بە سەرۆكایەتی وەفدێكی حكومەتی عێراق حەیدەر عەبادی روو لە پاریس دەكات

ئەمرۆ حەیدەر عەبادی سەرۆك وەزیران بەسەرۆكایەتی وەفدێكی حكومەتی عێراق رووی لە پاریسی پایتەختی ‌ فەرەنسا كرد بەمەبەستی بەشداریكردن لە كۆنگرەیەكی تایبەت بە كەشو هەوا و كاریگەریەكانی لەسەر كەرتەكانی ئابوری و ژینگە. لەو كۆنگرەیەشدا عێراق بۆچوونی خۆی سەبارەت بەو بوارە دەخاتە روو لەگەڵ ئەو دۆسیانەی پێشكەشی كردوە لەپێناو كاریگەر نەبوونی گۆڕانكاریەكان لەسەر كەرتە گرنگەكان وەك ئابوری و ژینگە كە پەیوەندی راستەوحۆیان بە ژیان و ئەمن و ئاسایشی خۆراكی و ئاوی هاوڵاتیانی عێراقەوە هەیە. لە پەراوێزی ئەو كۆنگرەیەشدا بریارە حەیدەر عەبادی چەندین كۆبوونەوە لەگەڵ بەرپرسی وڵاتان ئەنجام بدات.