پسپۆڕان:هەستانەوەی زۆر لە شەودا نیشانەیە بۆ نەخۆشی گورچیلە
هەمەڕەنگ
- 30-03-2022, 15:46
به‌دواداچۆن (INA)
"ئۆلیگ کۆتێنکۆ" پسپۆڕی نەخۆشیەکانی گورچیلە لە بەڕێوبەرایەتی تەندروستی مۆسکۆ،رایگەیاند کە زۆر خەبەر بون لە شەودا نیشانەی خراپی کرداری گورچیلە لەلەشدا.
ئەو پسپۆڕە ئەوەشی خستەڕوو: یەکێک لە نیشانەکانی پەککەوتنی گورچیلە، خەبەر بونەوەیە لە شەودا، ئەمەش ئاماژەن کە پێویستە گرنگی بە کاری گورچیلەکان بدەیت.
پزیشکەکە لە بەردەوامی قسەکانیدا وتی " ئەگەر ئازار لە کاتی میزکردندا ھەبوو ، ئەوە بە زوویی دەبێت چاودێری بکرێت و پشکنینی هەوکردنی میزی بۆ بکرێت"
ھەروەک ئەو پزیشکە جەختی لەوەکردەوە کە ئارامگرتن و خۆڕاگری بۆ هەردوو ژن و پیاو ڕێپێدراو نییە کاتێک پێویستی بە ڕۆیشتن بۆ توالێت هەیە، وتیشی " هەر کێشەیەک لە میز بەشێوەیەکی بەرچاو مەترسی هەوکردن زیاد دەکات و دەبێتەھۆی هەوکردنی زیاتر لە میزەوە و بگوازرێتەوە بۆ شانەی گورچیلە و نەخۆشی پیلۆنفریت پەرە پێدەدات.
سەرچاوە :- نوفوستی
