کەشناسی .....لەپێنجشەممەوە باران بارین دەستپێدەکات
ناوخۆ
- 16-05-2023, 11:19
بەغداد/ INA
دەستەی کەشناسی ئەمڕۆ ڕۆژی سێشەممە باری کەشوهەوای بۆ ڕۆژانی داهاتوو بڵاوکردەوە.
بەیاننامەی کەشناسی کەدەست ئاژانسی هەواڵی عێڕاقی کەوت وتی ڕۆژی چوارشەممە
لە سەرجەم ناوچەکان نیمچە تەماوی دەبێت و پلەکانی گەرماش هەندێک بەرزدەبنەوە.
ڕۆژی پێنجشەممەش نیمچە تەم دەبێت و دەرفەتی بارین دەبێت و پلەکانی گەرماش تۆزقاڵێک بەرزدەبێتەوە لەسەرانسەری وڵاتدا.
ڕۆژی هەینیش لەهەردوو ناوچەی ناوەڕاست و باشوور نیمچە تەم و ڕێژنەباران دەبارێت و بروسکەشی لەگەڵدا دەبێت، لە باکووریش تەماوی و دەرفەتی ڕێژنە باران دەبێت و بروسکەشی لەگەڵدا دەبێت و پلەکانی گەرماش لەسەرانسەری وڵاتدا هەندێک دادەبەزن.
ڕۆژی شەممەش هەندێک تەماوی دەبێت و جاری واش هەیە باران دەبارێت و ڕێژنەبارانی سووک دەبێت و بروسکەش دەبێت لەسەرانسەری وڵاتدا، پلەکانی گەرماش لەناوەڕاست و باشوور دادەبەزن ، لەباکووریش
پلەکانی گەرما نزیک ڕۆژی پێشتر دەبن.
