ڕێژەی بەشداریکردن لە هەڵبژاردنەکاندا 93%ی تێپەڕاند و جیاکردنەوەی دەنگەکان لە تورکیا بەردەوامە

ڕێژەی بەشداریکردن لە هەڵبژاردنەکانی سەرۆکایەتی و پەرلەمانی تورکیا کە ئەمڕۆ یەکشەممە لە سەرانسەری تورکیا گەیشتە.93.6%.

سەرچاوەیەک لە ئۆپۆزسیۆنی تورکیا بە ئاژانسی "تاس"ی ڕووسییان ڕاگەیاندووە" بەپێی زانیارییە سەرەتاییەکان ڕێژەی بەشداریکردن لە هەڵبژاردنەکانی تورکیا لەسەر ئاستی سەرۆکایەتی و پەرلەمانی تورکیا گەیشتووەتە 93.6% و ئەمەش ژمارەیەکی پێوانەییە. 

هاوکات کاتژمێر 5 ی ئێوارە پڕۆسەی دەنگدان بۆ هەڵبژاردنەکانی سەرۆکایەتی و پەرلەمانی تورکیا کۆتایی هات، بنکە و سندوقەکانی دەنگدان لە سەرتاسەری تورکیا داخران، ئەمەش لە کاتێکدایە کە ڕێژەی بەشداریکردن زۆر بەرزبووە ،و هەروەک 24 پارتی سیاسی و 151 کاندیدی سەربەخۆ ، بەشدارن لە کێبڕکێی هەڵبژاردنەکاندا.

بەگوێرەی ئەنجامی بەرایی هەڵبژاردنی سەرۆکایەتی کۆماری تورکیا کە 40.04٪ـی دەنگەکان تا کاتژمێر 8 ئەمشەو جیاکراونەتەوە؛ رەجەب تەیب ئەردۆغان، بەربژێری هاوپەیمانیی جمهوور 52.70٪ـی دەنگەکانی بەدەستهێناوە و کەماڵ کڵچدارئۆغڵو، بەربژێری هاوپەیمانیی میلـلەت 41.39٪ـی دەنگەکانی بەدەستهێناوە. هاوکات سینان ئۆغان، بەربژێری هاوپەیمانیی ئاتا 05.36٪ـی دەنگەکانی بەدەستهێناوە.