وەزیری داد لەگەڵ هاوتا ئیماراتییەکەی کۆمەڵێک پرسی جیاجیا تاوتوێ دەکات

ئەمڕۆ شەممە "خالد شوانی "وەزیری داد لەگەڵ "عەبدوڵڵا سوڵتان بن عەواد نوعیمی"وەزیری دادی ئیماراتی یەکگرتووی عەرەبی،کۆمەڵێک بابەتی پەیوەست بە پەرەپێدانی پەیوەندییەکان لە بوارە جیاجیاکاندا تاوتوێ کرد.

 لە بەیاننامەیەکی وەزارەتەکەدا ، کە بۆ ئاژانسی هەواڵی عێراقی (INA)هاتووە، تێیدا رایگەیاندوە"ئەمرۆ شەممە "خالد شوانی " وەزیری داد، لە بەغدا پێشوازیکرد لە "عەبدوڵڵا سوڵتان بن عەواد نوعیمی " وەزیری دادی ،میرنیشینی ئیماراتی یەکگرتووی عەرەبی.

بەیاننامەکە ئاماژە بەوەداوە " کە "شەوانی" لەگەڵ هاوتا ئیماراتییەکەیدا کۆمەڵێک بابەتی پەیوەندیدار بە پەرەپێدانی پەیوەندییەکان لە بوارە جیاجیاکاندا تاوتوێ کردووە، لە چوارچێوەیەکی پەیوەندیداردا، هەروەک ، ئەمرۆ "شوانی" بەشداریی لە کۆبوونەوەی "محەمەد شیاع سودانی " سەرۆک وەزیرانی عێراق لەگەڵ وەزیری دادی ئیمارات کرد، کە تیایدا سەرۆک وەزیران پەیامێکی نووسراوی لە "شێخ محەمەد زاید نەهیان " سەرۆکی ئیماراتی یەکگرتووی عەرەبی، پێگەیشت بۆ سەردانی ئیمارات و گفتوگۆکردن لەسەر پتەوکردنی پەیوەندییە دووقۆڵییەکان.