وەزارەتی دەرەوە: سەردانەكەی سەرۆك وەزیران بۆ پاریس، گەڕاندنەوەی پارە و هێڵی ئاسمانی لەخۆدەگرێت

بەغدا - INA
ئەمڕۆ پێنجشەممە، وەزارەتی دەرەوە ئامانجەكانی سەردانەكەی محەمەد شیاع سودانی، سەرۆكوەزیران ڕوونكردەوە، كە سەرۆكایەتی شاندێكی حكومەت دەكات بۆ پاریسی پایتەختی فەرەنسا.
ئەحمەد سەحاف، وتەبێژی وەزارەتی دەرەوە، بە ئاژانسی هەواڵی عێراقی ڕاگەیاند، "سەردانەكەی سودانی بۆ پاریس لە چوارچێوەی بەهێزكردنی هاوبەشی، بنیاتنانی دەرفەتی ئابووری و وەبەرهێنان، ئاڵوگۆڕی پاڵپشتی لە بوارەكانی بەرەنگاربوونەوەی تیرۆر و توندڕەوی، و هەماهەنگی لەسەر ئاستی دووقۆڵی و فرە ئاست بۆ پاڵپشتیكردنی عێراق لە كاندیدكردنی جۆراوجۆری نێودەوڵەتیدا، بە ئامانجی كاراكردنی گەڕاندنەوەی ڕۆڵی عێراق و گەیشتن بەو دەستپێشخەریانەی كە هاوسەنگی و سەقامگیری بەرز دەكەنەوە، جگە لە بەرزكردنەوەی كاری هاوبەش لە بواری پەروەردەیی و ڕۆشنبیری وكەرتەكانی بانكی.
سەحاف ئاماژەی بەوەشكرد، "سەردانەكە بە ڕوانگەی بەردەوامی پاڵپشتی سیاسی نێودەوڵەتی بۆ عێراق لە لایەن حكومەتی فەرەنساشەوە دێت، هەروەها بەكارهێنانی ئەم پەیوەندییە بەرێزە لەسەر ئاستی ئەوروپا لە مەلەفی بەرەنگاربوونەوەی تیرۆر و بیرۆكە توندڕەوەكان، وەرگرتنەوەی پارەی قاچاخ، ڕادەستكردنی كەسانی داواكراو، و هاوكاری تەكنیكی لە دۆسیەی گەڕاندنەوەی ئاوارەكان."
ئاماژەی بەوەشكرد، "هەوڵدان بۆ كۆكردنەوەی بەشداریی زیاتری كۆمپانیا فەرەنسییەكان لە بەرنامەكانی ئاوەدانكردنەوەدا بە شێوەیەكی كاریگەرتر، لە بەرنامەكانی ئاوەدانكردنەوەدا تەنها لە چوارچێوەی پڕۆژە پێشوەختە دیاریكراوەكاندا، و هەوڵدان بۆ بەدەستهێنانی پشتیوانی سیاسی بۆ دەستپێكردنی بیرۆكەی بەرزكردنەوەی هاوكاری لە بواری بانكیدا".
ناوبراو ئاماژەی بە "هەوڵێك بۆ بەدەستهێنانی پاڵپشتی سیاسی بۆ داواكردن لە دەسەڵاتی فڕۆكەوانی فەرەنسا بۆ تەواوكردنی پڕۆژەكە لە چوارچێوەی پلانی گەڕاندنەوەی هێڵی ئاسمانی ڕاستەوخۆی بەغدا - پاریس، و هەڵگرتنی قەدەغەكردنی سەر هێڵە ئاسمانییەكانی عێراق، جگە لە بەدەستهێنانی پاڵپشتی بۆ هاوكاریكردن لەبوارەكانی بەرەنگاربوونەوەی گەندەڵی و وەرگرتنەوەی پارە بلوككراوەكان و ئەوانەی داواكراو لەلایەن دەسەڵاتی دادوەری عێراق و هاوكاری لە بواری وەرگرتنەوەی كەلوپەلی كۆن و قاچاخ، هەروەها هاوكاری لەگەڵ لایەنی فەرەنسی لە بواری پاراستنی موڵك و ماڵی عێراق لەسەر خاكی فەرەنسا.