7000 هەلی كار لە کەربەلادەڕەخسێنێت و وردەكاری گەورەترین پڕۆژەی ئاژەڵ لە عێراق ڕادەگەیەنێت

ئەمڕۆ یەكشەممە دەستەی وەبەرهێنانی كەربەلا وردەكارییەكانی گەورەترین پڕۆژەی ئاژەڵی لە عێراق ڕاگەیاند و لە كاتێكدا پشتڕاستی كردەوە كە حەوت هەزار هەلی كار دەڕەخسێنێت، بەڵام وادەیەكی بۆ تەواوكردنی دیاریكرد.

بەڕێوەبەری وەبەرهێنانی پارێزگاكە ئەحمەد مالیكی بە ئاژانسی هەواڵی عێراقی (INA) ی راگەیاند  : مۆڵەت دراوە بە گرنگترین پرۆژەی یەكگرتووی كشتوكاڵی-ئاژەڵ لە كەربەلا بۆ بەرهەمهێنانی هێلكە و گۆشت،كە ئەمە پرۆژە یەكەم و گەورەترینە لە عێراق، ئاماژە بەوە دەكات كە یەكێكە لە پڕۆژە هاوشێوەكان لە ڕۆژهەڵاتی ناوەڕاست.

ئاماژەی بەوەشكرد : رێژەی تەواوكردنی پرۆژەی كشتوكاڵی ئاژەڵ گەیشتووەتە 35%، بەو پێیەی قۆناغی یەكەمی دەستی بە كار كردووە، قۆناغی دووەمیش دوای دوو مانگ دەست پێدەكات بۆ بەرهەمهێنانی هێلكەی سەر خوان.

جەختیشیكردەوە : پڕۆژەكە زیاتر لە 3500 هەلی كار دەڕەخسێنێت، لەكاتێكدا لە قۆناغی تەواوبوونی لە ساڵی 2024 زیاتر لە 7 هەزار هەلی كار دەڕەخسێنێت، هەروەها توانای بەرهەمهێنانی دەگاتە زیاتر لە یەك ملیار هێلكە ساڵانە، هەروەها 10 ملیۆن مریشك بە مەبەستی سەربڕین.