ئاسایشى نیشتمانى كه‌سێك به‌تۆمه‌تی به‌ڵێنی نادروست بۆ دامه‌زراندن له ئه‌نبار ده‌ستگیرده‌كات
ئەمنی
- 28-07-2021, 18:18
به‌غدا-اه‌ع
ده‌زگای ئاسایشی نیشتمانى ئه‌مڕۆ چوارشه‌ممه،رایگه‌یاند، له پارێزگای ئه‌نبار كه‌سێكیان ده‌ستگیركردوه كه پاره‌ی له‌هاوڵاتیان وه‌رگرتوه به‌ناوی دامه‌زراندنه‌وه و به‌ڵێنی نادروستی داوه.
له‌راگه‌یه‌ندراوێكى ده‌زگای ئاسایشی نیشتمانی كه ده‌ستى ئاژانسى هه‌واڵى عێراقى(اه‌ع)كه‌وتووه رایگه‌یاند:" له پارێزگای ئه‌نبار دوای به‌ده‌ستهێنانی ڕه‌زامه‌ندی یاسایی و به پشت به‌ستن به زانیاری وردی هه‌واڵگری، كه‌سێكیان ده‌ستگیركردوه كه بڕی 20 هه‌زتر دۆلاری له هه‌ر هاوڵاتیه‌ك وه‌رگرتوه و به‌ڵێنی نادروستی پێداون كه دایانبمه‌زرێنێت".
ئه‌وه‌شی خسته‌ڕو" وته‌كانی تۆمه‌تباره‌كه تۆماركراوه و ره‌وانه‌ی ده‌سه‌ڵاتی دادوه‌ری كراوه، به‌مه‌به‌ستی گرتنه‌به‌ری رێكاری یاسایی به‌رامبه‌ری".
باسی له‌وه‌شكرد" هۆشداریده‌ده‌نه هاوڵاتیان كه خۆیان به‌دوربگرن له كه‌سانی فێڵباز و داواش له‌هاوڵاتیان ده‌كه‌ن، له‌كاتی بونی هه‌ر روداوێكدا په‌یوه‌ندی به ژماره 131ه‌وه بكه‌ن، به‌مه‌به‌ستی به‌دواداچونی هێزه ئه‌منیه‌كان".
