بارزانى پیرۆزبایى له كچه وه‌رزشوانێك كرد
ناوخۆ
- 25-06-2021, 18:37
به‌غدا-اه‌ع
نێچیرڤان بارزانی سەرۆکی هەرێمی کوردستان،ئه‌مڕۆ هه‌ینى، پەیامێکی پیرۆزبایی ئاراستەی وەرزشوانێکی عێراقی کرد .
بارزانى له تویتێكدا كه ئاژانسى هه‌واڵى عێراقى(اه‌ع) چاودێرى كردووه رایگه‌یاند:"پیرۆزبایی خۆم ئاراستەی وەرزشوانی عێراقی "دانه حسین علی " دەکەم بەهۆی بەدەستهێنانی میدالیای زێڕ و بەدەستهێنانی ژمارەی پێوانەیی لە " پاڵەوانێتی عەرەبی ۲۲ " بۆ یاری هێزی پیاوان و ئافرەتان،هیوادارم بەردەوام لە سەرکەوتن دابن.
ئاماژه‌ى به‌وه‌شكرد"وڵاتمان پێویستی بە ئافرەتێکی وەکو تۆی کاراما لە گشت بوارەکاندا هه‌یه ، شانازیتان پێوەدەکەین" .
له كۆتایى تویته‌كه‌یدا بارزانى وتى"پیرۆزبێ لە هەموو عێراقییەکان".
