وه‌زاره‌تى په‌روه‌رده:خوێندنى ئه‌لیكترۆنى به‌رده‌وام ده‌بێت له میان قه‌ده‌غه‌ى هاتوچۆدا
ناوخۆ
- 11-05-2021, 20:29
به‌غدا-اه‌ع
وه‌زاره‌تى په‌روه‌رده،ئه‌مڕۆ سێشه‌ممه،دووپاتیكرده‌وه،خوێندنى ئه‌لیكترۆنى له‌ڕۆژانى قه‌ده‌غه‌ى هاتوچۆى سه‌رتاسه‌رى به‌رده‌وام ده‌بێت،ئاماژه‌یشیدا ته‌نها له‌ڕۆژانى جه‌ژنى پیرۆزى ره‌مه‌زان ڕاده‌گیرێت.
حه‌یده‌ر فاروق وته‌بێژى وه‌زاره‌تى په‌روه‌رده بۆ ئاژانسى هه‌واڵى عێراقى(اه‌ع) رایگه‌یاند:" خوێندنى ئه‌لیكترۆنى له‌ڕۆژانى قه‌ده‌غه‌ى هاتوچۆى سه‌رتاسه‌رى به‌رده‌وام ده‌بێت،ئاماژه‌یشیدا ته‌نها له‌ڕۆژانى جه‌ژنى پیرۆزى ره‌مه‌زان ڕاده‌گیرێت،ئه‌مه‌ش هیچ كاریگه‌رى نابێت له‌سه‌ر پرۆسه‌ى خوێندن".
وتیشى"مه‌به‌ست له خوێندنى ئه‌لیكترۆنى یارمه‌تى دانى خوێندكاره بۆ تێپه‌ڕاندنى ئه‌و قه‌یرانه‌ى كه‌به‌سه‌ر وڵاتدا تێده‌په‌رێت و به‌رده‌وامبوونى پرۆسه‌ى خوێندن".
