سەرۆك وەزیران دوو ڕێنمایی بۆ وەزارەتی تەندروستی دەردەكات سەبارەت بە فەلوجە و خالیدیە

بەغداد - INA
ئەمڕۆ چوارشەممە، سەرۆكی ئەنجومەنی وەزیران محەمەد شیاع سودانی، دوو ڕێنمایی بۆ وەزارەتی تەندروستی سەبارەت بە فەلوجە و خالیدیە دەركرد.
نوسینگەی ڕاگەیاندنی سەرۆك وەزیران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: سەرۆكی ئەنجومەنی وەزیران محەمەد شیاع سودانی، ڕێنمایی وەزارەتی تەندروستی كرد بۆ تەواوكردنی مەرجەكانی جێبەجێكردنی پڕۆژەیەك بۆ دروستكردنی نەخۆشخانەیەكی 200 قەرەوێڵەیی بۆ ژنان و منداڵان لە قەزای فەلوجە، هەروەها پڕۆژەیەك بۆ دروستكردنی نەخۆشخانەیەكی 100 قەرەوێڵەیی لە قەزای خالیدیە، لە چوارچێوەی پلانی وەزارەت و ڕێككەوتنی عێراقی-چین.