سەرۆک وەزیران جەخت لەسەر تەواوکردنی دەروازەکانی هاتنەناوەوە بۆ بەغدا دەکاتەوە لەکاتی دیاریکرای خۆیدا

ئەمڕۆ یەکشەممە"محەممەد شیاع سودانی" سەرۆکی ئەنجەمەنی وەزیران، جەختی لە تەواوکردنی دەروازەکانی چوونە ژوورەوەی بەغدا لە کاتی دیاریکراودا کردەوە ، بەتایبەتی دەروازەی چوونە ژوورەوەی موسڵ- بەغدا.

نووسینگەی ڕاگەیاندنی سەرۆک وەزیران لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی، ڕایگەیاندووە: ئێوارەی ئەمڕۆ"سودانی "سەرپەرشتی کۆبوونەوەی خزمەتگوزاری و ئەندازیاری بۆ ناوچەی مەعامل لە قەزای زەورا و ڕۆژهەڵاتی ناوچەکە کرد . 

بەپێی بەیاننامەکە "لە میانی کۆبوونەوەکەدا، سەرۆک وەزیران لەنەخشەی ناوچەی مەعمالی کۆڵیەوە ،بەمەبەستی دیاریکردنی سنووری ئیداری و ئامادەکردنی زەوی تەرخانکراو بۆ ئیدارەکە. 

بەپێ ناوەرۆکی بەیاننامەکە "سودانی" ڕێنمایی داوە کە پەلە بکرێت لە تەواوکردنی هەڵسەنگاندن و ئامادەکردنی دیزاینی بنەڕەتی ناوچەکە ، بۆ جێبەجێکردنی پڕۆژەکانی وەک ئاوی خواردنەوە و بنکە تەندروستییەکان و قوتابخانە و هەموو ڕێکارەکانی پەیوەست بەو بابەتەو ئەو بوارانە دابڕێژن کە پێویستیان بە کاری ئەندازیاری هەیە. 

هەروەک سەرۆک وەزیران تیمی هەوڵی خزمەتگوزاری و ئەندازیاری ڕێنمایی کرد بۆ کارکردن لە (17) ناوچە لە سنووری شارەوانی بەغدا،کە ئەوانیش "شەعب و بابولشام و شوعلە و کازمیە و ڕەشید .

هەروەها "سودانی" جەختی لە پێویستی تەواوکردنی دەروازەکانی چوونە ناوەوەی بەغدا کردەوە لەکاتی دیاریکراوی خۆیدا کە دیاریکراوە ، بەتایبەت دەروازەی (موسڵ- بەغدا)،بەو پێیەی ڕەنگدانەوەی ڕووی شارستانی پایتەختە، ئەمە جگە لە گرینگی کەمکردنەوەی بارگرانی لەکاتی هاتنی هاووڵاتیان یان ڕۆشتن لە بەغدای پایتەخت کە قەرەباڵغیەکی زۆری لەسەرە .