لە ڕۆژئاوای نەینەوا ئۆپەراسیۆنێکی ئەمنی بەرفروان ئەنجامدرا

ئەمڕۆ هەینی، هێزێکی ئەمنی هاوبەش ئۆپەراسیۆنێکی ئەمنی بەرفراوانیان لە ڕۆژئاوای پارێزگای نەینەوا دەستپێکرد.

 لە ڕاگەیەندراوێکی پێگەی فەرمی حەشدی شەعبیدا، کە ئاژانسی هەواڵی عێراقی (INA) پشتراستی کردۆتەوە ، تێیدا هاتووە"هێزەکانی لیوای 33 لە هێزەکانی حەشدی شەعبی و فیرقەی 16ی سوپای عێراق و یەکەی ئۆپەراسیۆن و هەواڵگریی نەینەوا، و فەرماندەیی ئۆپەراسیۆنەکانی هێزەکانی حەشد، بەرەبەیانی ئەمڕۆ هەینی دەستیانکرد بە ئۆپەراسیۆنێکی ئەمنی بەرفراوان بۆ بەدواداچون و پشکنینی ناوچەکانی عەدایە و مقالع عەین جەحش و ڕێگای ستراتیژی بەرەو ڕۆژئاوای پارێزگای نەینەوا ئەنجامدا . 

 لە ڕاگەیەندراوەکەدا ئاماژە بەوەشکراوە" کە ئامانجی ئۆپەراسیۆنەکە سەپاندنی ئاسایش و سەقامگیرییە لە ڕۆژئاوای پارێزگاکە و وشککردنەوەی سەرچاوەکانی تیرۆر و لەناوبردنی پاشماوە و حەشارگەی تیرۆرە لە ناوچەکەدا .