سەرۆک وەزیران جەخت لەسەر ئیرادەی بەهێزی حکومەتی بۆ رووبەرووبونەوەی گەندەڵی دەکاتەوە

ئەمڕۆ دووشەممە"محەمەد شیاع سودانی" سەرۆک وەزیران، ئیرادەی بەهێزی حکومەتی بۆ بەرەنگاربوونەوەی گەندەڵی دووپاتکردەوە.

 نووسینگەی ڕاگەیاندنی سەرۆک وەزیران،لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی، ڕایگەیاندووە" ئەمڕۆ دووشەممە " محەممەد شیاع سودانی" سەرۆک وەزیرانی عێراق ، پێشوازی لە وەفدێکی شەفافیەتی نێودەوڵەتی کرد، بە ئامادەبوونی باڵیۆزی یەکێتی ئەوروپا و ئەڵمانیا لە عێراق.

بەیاننامەکە ئاماژەی بەوەشکردوە" کە لە میانی کۆبوونەوەکەدا، گفتوگۆ لەبارەی هەوڵەکانی حکومەت بۆ بەرەنگاربوونەوەی گەندەڵی دارایی و ئیداری، و هەنگاوە و کردارییەکانی کرا . 

بەیاننامەکە ئەوەشی خستۆتە روو کە لە کۆبوونەوەکەدا جەختکرایەوە لەسەر بەرەنگاربوونەوەی گەندەڵی ، کە بەرپرسیارێتییەکی هاوبەشە و پێویستی بە هاوکاری دامەزراوەکانی کۆمەڵگەی مەدەنی و دەزگا سەربەخۆکان و هەروەها دەسەڵاتی دادوەری و دەسەڵاتەکانی دیکە هەیە.

 هەر بەگوێرەی بەیاننامەکە لەمیانی دیدارەکەدا"سودانی"تەئکیدی لە بەهێزی ئیرادەی حکومەت بۆ بەرەنگاربوونەوەی گەندەڵی کردەوە ، کە یەکێکە لە گرنگترین ئەولەویەتەکان و بەرنامەی حکومەت. دووپاتیشیکردەوە "کە ویستی عێراقە بۆ سوودوەرگرتن لە ئەزموونە نێودەوڵەتییەکان و شارەزایی شەفافیەت لە بەرەنگاربوونەوەی گەندەڵیدا.

 لەلایەن خۆیەوە وەفدەکە پشتیوانی خۆی بۆ هەوڵەکانی عێراق دەربڕی بۆ پەرەپێدانی میکانیزمی دژە گەندەڵی، بە شێوەیەک کە پێشکەوتن لەم ڕووەوە مسۆگەر بکات، و هەستی خۆی بە ئیرادەی وڕاستەقینەی حکومەتی عێراق بۆ بەرەنگاربوونەوەی گەندەڵی دەربڕی، کە ئەمەش وایکردوە وەفدەکە سەردانی عێراق بکەن.