ئاسایشی نیشتمانی باندێكی ڕفاندن و كوشتن لە دیالە دەستگیركرد

ئەمڕۆ شەممە، دەزگای ئاسایشی نیشتمانی دەستگیركردنی باندێكی ڕفاندن و كوشتنی لە پارێزگای دیالە ڕاگەیاند.

دەزگای ئاسایشی نیشتمانی لە ڕاگەیەندراوێكدا كە کۆپیەکی دەست بە ئاژانسی هەواڵی عێراقی گەیشتووە، ڕایگەیاندووە، "لە چوارچێوەی هەوڵەكانی دەزگای ئاسایشی نیشتمانی بۆ بەدواداچوونی باندەكانی ڕفاندن و تاوانە ڕێكخراوەكان، مەفرەزەكانی دەزگای ئاسایشی نیشتمانی لە پارێزگای دیالە، بە پشتبەستن بە زانیاریی هەواڵگریی دروست و هەوڵێكی مەیدانی". كە چەند ڕۆژێكی خایاند، توانیان باندێكی ڕفێنەر دەستگیر بكەن كە پێكهاتبوون لە (٣) چەتە ئەو كەسانەی كە هاوڵاتییەكی شاری باعقوبەیان ڕفاند و كوشتوویانە كە وەك شۆفێری (تكتك) كاردەكات، و دواتر زیاتر لە جارێك شوێنی ناشتنەكەی گۆڕیوە بۆ شاردنەوەی شوێنەواری تاوانەكە.

لە ڕاگەیەندراوەكەدا ئاماژە بەوەشكراوە، "وتەی تۆمەتبارانی بنەڕەتی نووسراون و ئاراستەی دەسەڵاتی دادوەری كارامە كراوە بۆ ئەوەی بەپێی یاسا ڕێكاری پێویست بەرامبەریان بگرنەبەر، هەروەها تەرمی ڕفێندراوەكە ڕادەستی بەشی پزیشكی دادوەری كراوە".