دادگای باڵا: ئێمە مسۆگەرکردنی مافی ڕۆژنامەنووسان و ئازادی ڕادەربڕینمان خستۆتە سەر خۆ

بەغداد/INA 
ئەمرۆ سێ شەممە، ئەنجومەنی باڵای دادوەری ،جەختی لەسەر پێویستی زامنکردنی مافەکانی ڕۆژنامەنووسان و ئازادی ڕادەربڕین کردەوە.
"سینان غانم" بەڕێوبەری ناوەندی ڕاگەیاندن و نوێنەری ئەنجومەنی باڵای دادوەری لە میانەی وتارێکدا لە کۆنگرەی ڕۆژی جیهانیی رۆژنامەوانیدا کە  ئاژانسی هەواڵی عێراقی (INA) رووماڵی کردوە  وتی:"ئازادی ڕۆژنامەگەری ناونیشانێکی سەرەکییە و پێوەرێکی گرنگە بۆ تاقیکردنەوەی بەروپێشچون و پێشکەوتنی وڵاتان، بۆ ئەوەی ئەم ناونیشانە هەبێت، عێراق قوربانی زۆری داوە لە ماوەی دەیان ساڵی ڕابردوودا و ڕووبەڕووی چەندین تەحەدا بووەتەوە تاوەکو  ئەمڕۆ ڕۆژنامەگەری گەیشتووەتە هەمەچەشنی ئاڕاستە و بۆچوون و فرەیی ئامراز و میکانیزم و کراوەیی لە هەموو ئاستەکاندا"
وتیشی: "ئەمە بە بێ بوونی یاسا و یاسادانان کە ئازادی ڕۆژنامەگەری و دادوەرییەکی دادپەروەرانە کە زامنی ئەو ئازادی و مافانە بکات، ناکرێت.
ھەرەوەک وتیشی: "ئەنجومەنی باڵای دادوەری بۆ مسۆگەرکردنی مافی ڕۆژنامەنووسان و ئازادی ڕادەربڕین بەپێی دەستوور و یاسا، ئەو ئەرکەی خستۆتە سەر خۆیی"
راشیگەیاند کە "ناوەندی ڕاگەیاندنی ئەنجومەنی باڵای دادوەری بە هەموو شێواز و ڕەوتەکانیانەوە بە بێ جیاوازی کاری کردووە بۆ پێدانی زانیاری بە پلاتفۆرمەکانی ڕاگەیاندن، ھەروەھا ئەو پرۆژەی میدیای دامەزراند کە سەرچاوەی زانیاری متمانەپێکراوی بۆ ڕۆژنامەنووسان پێکهێناوە و دەرگای پەیوەندیەکانی بۆ  24 کاتژمێر کردەوە بۆ ئەوەی هەر زانیارییەک بەدروستی و بە خێرایی بڵاو بکرێتەوە و  دەنگۆکانیش ڕەت بکاتەوە.
"سنان غانم"پیرۆز بایی  ناوەندەکەشی  لەرۆژی جیهانی ڕۆژنامەگەریی لە ڕۆژنامەنووسان کرد.
ئاشکراشیکرد "کارەکەیان بەتایبەتی لەگەڵ ئەو تەحەدایانەی کە ڕووبەڕوویان دەبێتەوە، وەک مەرجەعی گشتی لە رۆژنامەگەریی ڕاستگۆدا دەمێنێتەوە"