سەیرانگاكانی هەرێمی كوردستان جمەیان دێت لە گەشتیار

هەرێمی كوردستان -  INA
لە رۆژانی جەژنی رەمەزانی پیرۆزدا بە دەیان هەزار گەشتیار روویان لە ناوچە گەشتیارییەكانی هەرێمی كوردستان كردووە.
وەزارەتی شارەوانی و گەشتوگوزاری هەرێمی كوردستان لە راگەیەندراوی خۆیدا كە دەست ئاژانسی هەواڵی عێراقی كەوتووە، دەڵێت: ژمارەیەكی زۆری گەشتیاری ناوخۆیی و بیانی سەردانی شوێنە گەشتیارییەكانی هەرێمیان كردووە.
ئاشكراشیكرد: بەپێی ئامارەكانی بەڕێوەبەرایەتیی گەشتوگوزاری سۆران، ئەمڕۆ 4/4/2022 لە سێیەم ڕۆژی جەژندا نزیكەی 20 هەزار گەشتیار سەردانی گەلی عەلی بەگ و ناوچە گەشتیارییەكانی سۆرانیان كردووە و هەتا دێت ژمارەی گەشتیاران ڕوو لە هەڵكشان دەكات.
پێشبینی دەكرێت لە رۆژانی داهاتوودا دەستەی گەشتوگوزاری هەرێمی كوردستان ئاماری وردی گەشتیاران لە رۆژانی جەژنی رەمەزاندا بڵاوبكاتەوە.