كۆبونه‌وه‌ی وه‌زیرانی ده‌ره‌وه‌ی روسیا و ئۆكرانیا ده‌ستیپێكرد
جیهانی
- 10-03-2022, 11:39
بەدواداچون_(INA)
پێشنیوەڕۆی ئەمڕۆ كۆبونه‌وه‌ی وه‌زیرانی ده‌ره‌وه‌ی روسیا و ئۆكرانیا بە ئامادەبونی وەزیری دەرەوەی تورکیا لە ئەنتاڵیا دەستیپێکرد.
دوای چەند خولەکێک لە گەیشتنیان بەو وڵاتە کۆبونەوەی سێرگی لاڤرۆڤ وەزیری دەرەوەی روسیا و دیمتری کۆلیبا وەزیری دەرەوەی ئۆکرانیا بە ئامادەبونی مەولود چاوش ئۆغلۆ وەزیری دەرەوەی تورکیا لە ئەنتاڵیا دەستیپێکرد.
وتەبێژی وەزارەتی دەرەوەی ئۆکرانیا ئێوارەی چوارشەممە ڕایگەیاند کە کۆلیبا گەیشتۆتە ئەنتالیا لە باشوری تورکیا " بۆ گفتوگۆکردن لەسەر وەستانی دوژمنکاری و کۆتایی هاتنی شەڕی ڕووسیا لە دژی ئۆکرانیا"
