لیژنەی دارایی پەرلەمان: چاوەڕێی هاتنی خشتەی بودجەی 2024ین رۆژانی داهاتوو

بەغداد-INA
ئەمڕۆ یەکشەممە لیژنەی دارایی پەرلەمان رایگەیاند: کە ئەنجومەنی نوێنەران چاوەڕێی هاتنی خشتەی بودجەی ساڵی 2024 دەکات لەو مانگەی ئێستا.
لیژنەکە لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی،تیایدا رایگەیاندوە: ئەمڕۆ "عەتوان عەتوانی" سەرۆکی لیژنەی دارایی،پێشوازی لە کاربەرێکەری کاروباری باڵیۆزخانەی ئەڵمانیا کرد.
بەپێی بەیاننامەکە "عەتوانی " ئاماژەی بەوەداوە :- کە چاوەڕوانی هاتنی خشتەی بودجەی ساڵی 2024ین لەم  مانگەدا.
جەختیشی لەوە کردەوە کە هەوڵەکان بۆ ڕاستکردنەوەی ڕێڕەوی بودجە لەڕێگەی زۆرترین داهاتی غەیرە نەوت، هاندانی کەرتی تایبەت، و کەمکردنەوەی خەرجییەکان دەدات.
هەروەک داوای لە کۆمپانیا ئەڵمانییەکان کرد بێنە عێراق و وەبەرهێنان لە کەرتە جیاوازەکاندا بکەن،کە دیارترینیان بەرهەمهێنان و باشترکردنی وزەی کارەبایە، داواشی لە باڵیۆزخانەی ئەڵمانیا کرد بەدواداچوون بۆ جێبەجێکردنی ئەو ڕێککەوتن و یاداشتە لێکتێگەیشتنانە بکات کە سودانی لە چوارچێوەی سەردانەکەی بۆ ئەڵمانیا  واژۆی کردوون.
لەبەرامبەردا رێکخەری کاروباری باڵیۆزخانەی ئەڵمانیا دووپاتی کردەوە: سەقامگیری دۆخی عێراق هاندەری هاتنە ناوەوەی کۆمپانیاکانمانە بۆ وەبەرهێنان لە بوارە جیاجیاکاندا.