یانەی شوڕتە پێشەنگی خۆی لە خولی ئەستێرەكان بەهێزتر دەكات بە شكستپێهێنانی یانەی مینا

بەغدا - INA
یانەی شوڕتە بە سێ خاڵی نوێ پێشەنگی خۆی لە ڕیزبەندی خولی پیشەگەری ئەستێرەكانی عێراق بەهێزتر كرد، دوای ئەوەی ئێوارەی ئەمڕۆ یەكشەممە بە دوو گۆڵی خاوێن لەیانەی مینای بردەوە.
پەیامنێری ئاژانسی هەواڵی عێراقی (INA) ڕایگەیاند : یاریزان ماناف یونس لە خولەكی 75 گۆڵی یەكەمی بۆ یانەی شوڕتە تۆماركرد، لە كاتێكدا یاریزانەكە (لوكاس سانتۆس) گۆڵی دووەمی بۆ یانەكەی زیادكرد.
بەم سەركەوتنە تیپی شوڕتە پێشەنگی خۆی لە ڕیزبەندی خولەكەدا بە (51) خاڵ لە (22) یاریدا پاراست و تیپی مینا بە (26) خاڵی خۆی پاراست و لە پلەی چواردەدایە.