نێچیرڤان بارزانی جه‌ژنى ڕه‌مه‌زانی پيرۆزى له ته‌واوى موسڵمانان له كوردستان و عێراق و جيهان پیرۆز ده‌كات
سیاسی
- 9-04-2024, 19:44
هه‌ولێرـINA
نێچیرڤان بارزانی سه‌رۆكی هه‌رێمی كوردستان به‌بۆنه‌ی هاتنی چه‌ژنی ره‌مه‌زانی پیرۆزه‌وه په‌یامێكی پیرۆزبایی ئاراسته‌كردووه وتێدا هاتووه" جه‌ژنى پيرۆزى ڕه‌مه‌زان به گه‌رمى له ته‌واوى موسڵمانان له كوردستان، عێراق و جيهان، به‌تايبه‌تى له خانه‌واده و كه‌سوكارى سه‌ربه‌رزى شه‌هيدان پيرۆز ده‌كه‌م، جه‌ژن و پشوويه‌كى پڕ له ئارامى و ئاسووده‌يى و كامه‌رانى بۆ هه‌مووان ده‌خوازم، هيوادارم جه‌ژنى خێر و خۆشى بێت.
با ئه‌م جه‌ژنه پيرۆزه و مانا و ئامانج و په‌يامه‌كانى له پێكهاتنه‌وه، لێكخۆشبوون، لێكنزيكبوونه‌وه، ئاشته‌وايى، چاكه و ته‌بايى، بۆ هه‌مووان ببنه ده‌رفه‌تى نوێكردنه‌وه‌ى په‌يوه‌ندى و لێبوردن و پێكه‌وه‌يى و هه‌موومان پێكه‌وه بۆ خزمه‌ت و خێرى گه‌ل و وڵاته‌كه‌مان كار بكه‌ين و هاريكار بين.
به هيواى ڕۆژگار و دۆخ و ژيان و داهاتووى باشتر، جه‌ژن له هه‌مووان پيرۆز بێت، هه‌موو ساڵێك به خۆشى.
کەشناسی عێڕاق .... باران بەردەوام دەبێت
- ناوخۆ
- 11:30
