ئەمڕۆ.. زەوڕا لە ئەركێكی قوڕسدایە لەدەرەوەی یاریگای خۆی بەرامبەر زاخۆ

بەغدا - INA
ئەمڕۆ شەممە یارییەكانی گەڕی 17ی خولی ئەستێرەكانی عێراق بۆ تۆپی پێی پیشەگەرانە بۆ وەرزی ئێستای (2023-2024) كۆتایی دێت بە یاری نێوان یانەی زاخۆ و هاوتاكەی یانەی زەوڕا.
پەیامنێری ئاژانسی هەواڵی عێراقی (INA) ڕایگەیاند : یارییەكە لە كاتژمێر پێنجی ئێوارەی ئەمڕۆ شەممە لە یاریگای نێودەوڵەتی زاخۆ بە سەرۆكایەتی داوەری یاری ئەحمەد كازم بەڕێوەدەچێت.
ئاماژەی بەوەشكرد : ئەركی  نەورسەكان ئاسان نابێت بەرانبەر هەڵۆكانی چیا،كە زاخۆییەكان بەهەردوو چەكی یاریگا وجەماوەر رووبەڕووی نەورسەكان دەبنەوە،كە رووبەڕووبوونەوەكانی پێشوویان زۆر بەهێز و پڕ لە ركابەری بوو وتەنها نێوانیان یەك خاڵە.
جێگای سەرنجە كە یانەی زەوڕا لە ڕیزبەندی گشتی تیپەكانی خولی ئەستێرەكانی تۆپی پێ بە (26) خاڵ  وپلەی پێنجەمی گرتووە و یانەی زاخۆ بە (25) خاڵە و پلەی حەوتەمی گرتووە.