وەزیری ناوخۆ تەئكید لە پلانی نوێ بۆ بەهێزكردنی ئاسایشی سامەڕا دەكاتەوە

بەغداد  - INA
ئەمڕۆ پێنجشەممە، عەبدولئەمیر شەمەری وەزیری ناوخۆ، تەئكیدی لە پلانی نوێ بۆ بەهێزكردنی ئاسایشی سامەڕا كردەوە.
 وەزارەتەكە لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: عەبدولئەمیر ئەلشەمەری وەزیری ناوخۆ سەردانی فەرماندەیی شاری سامەرای كرد كە یەكشەممەی ڕابردوو بەرپرسیارێتی ئەمنیی وەرگیرا و ئەفسەرانی فەرماندەیی ئاڕاستە كرد كە پلانی نوێ دابڕێژن بۆ بەهێزكردنی ئاسایش و هاوكار بێت بۆ دروستكردنی كەشێكی سەلامەت و گونجاو بۆ خەڵك و سەردانكەرانی ئەم شارە پیرۆزە.
ئاماژەی بەوەشكرد: وەزیر جەختی لە گرنگی پشتبەستن بە هەوڵە هەواڵگرییەكان و كامێرای چاودێری كرد بۆ سەپاندن و بەهێزكردنی ئاسایش.
هەر لە بەیاننامەكەدا هاتووە، كە ئەم سەردانە بۆ فەرماندەیی سامەڕا بۆ زانینی پێداویستی ئەفسەر و ئەندامانە بۆ ئەوەی بتوانن ئەو ئەركانەی پێیان سپێردراوە لە چوارچێوەی ئەم كەرتە جێبەجێی بكەن.