شانەی ئەمنی: بە هاوكاری لەگەڵ وڵاتانی دراوسێ تۆڕە تیرۆریستییەكانمان لە دەرەوە دەستگیركرد

بەغدا - INA- محەمەد تاڵبی
شانەی ڕاگەیاندنی ئەمنی ڕۆژی پێنجشەممە پشتڕاستی كردەوە كە هاوكاری لەگەڵ وڵاتانی دراوسێ لە ساڵی ڕابردوودا بووە هۆی دەستگیركردن و هێنانەوەی تۆڕە تیرۆریستییەكان لە دەرەوەی وڵات.
لیوا تەحسین خەفاجی، سەرۆكی شانەی ڕاگەیاندنی ئەمنی، بە ئاژانسی هەواڵی عێراقیی ڕاگەیاند: دیارترین ئاستەنگەكانی بەردەم هێزە ئەمنییەكان دەكەونە چوارچێوەی فشارە بەردەوامەكان بۆ سەر گروپە تیرۆریستییەكان و ئەوەی لێیان ماوەتەوە، جگە لەكۆنتڕۆڵكردنی سنوورەكان .
ئاماژەی بەوەشكرد،ئەو تاوانانەی كاریگەرییان لەسەر ئاشتی كۆمەڵایەتی هەیە، وەكو ماددە هۆشبەرەكان و تاوانە تاوانكارییەكان، تەحەدای بەردەم هێزە ئەمنییەكانیش پێكدەهێنن.
ناوبراو ئاماژەی بۆ ئەوەش كرد كە هاوكاری لەگەڵ وڵاتانی دراوسێ لە ساڵی 2023 لە ڕێگەی هەوڵە هەواڵگریی و ئەمنییەكانەوە بووە هۆی دەستگیركردن و هێنانەوەی تۆڕە تیرۆریستییەكان لە دەرەوە، بەردەوامی و پەرەپێدانی ئەم هاوكارییە لەگەڵ وڵاتانی دراوسێ لە ماوەی ئەمساڵی ئێستادا.