چوارچێوەى هەماهەنگى پشتیوانى بۆ حکومەت دووپاتدەکاتەوە لە جێبەجێکردنى یاسای بودجە

ئەمڕۆ یەکشەممە، چوارچێوەی هەماهەنگی پاڵپشتی خۆی بۆ حکومەت لە جێبەجێکردنی یاسای بودجە دووپاتکردەوە، هاوکات جەختی لەسەر پێویستی مامەڵەکردنی ناوەند دەکاتەوە لە سەرجەم بڕیار و پەیوەندییە نێودەوڵەتییەکان لەگەڵ عێراقدا.

چوارچێوەی هەماهەنگی لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی،ڕایگەیاند :- ئەمڕۆ یەک شەممە چوارچێوەی هەماهەنگی کۆبوونەوەی ئاسایی خۆی لە نووسینگەی "هەمام حەمودی " ئەنجامدا بۆ تاوتوێکردنی کۆمەڵێک پرس و بابەت، لە پێش هەموشیانەوە هێرشە ئازار بەخشەکەی سەر هەستی موسلمانان ، ئەویش هێرشەکەی سەر کۆپییەکی قورئانی پیرۆز لەلایەن یەکێک لە توندڕەوەکانەوە.

بەیاننامە ئاماژەی بەوەشکرد:-کۆبوونەوەکە بە وتارێکی "محەمەد شیاع سودانی" سەرۆکوەزیران دەستی پێکرد ،بەخستنەرووی دوایین پێشهاتە سیاسی و خزمەتگوزارییەکانی وڵات.

بەپێ بەیاننامەکە :- لە کۆبوونەوەکە ئیدانەی ئەو هێرشە کرا ، کە کرایە لەسەر کۆپییەک لە قورئانی پیرۆز و کۆپیەکی لێ سوتێنرا. 

لەبەیاننامەکە دا ئەوە ش هاتوو :- کە چوارچێوەی هەماهەنگی "هەوڵەکانی حکومەت و وەزارەتی کارەبا و کادرە دڵسۆزەکانی بەرزنرخاند،لە باشترکردنی دۆخی کارەبا لە سەرتاسەری وڵاتدا و هەروەک ئاماژەی بە "پشتیوانی کردنی حکومەتکرد لە جێبەجێکردنی یاسای بودجەی فیدراڵی و خێراکردن لە جێبەجێکردنی خزمەتگوزاری بۆ هاوڵاتیان.

لەبەشیکی دیکەی بەیاننامەکەدا چوارچێوەی هەماهەنگی داوای لە "هەموو دامەزراوە کولتووری و کۆمەڵایەتییەکان دەکات بەها ئیسلامی و کۆمەڵایەتییە دروست و ڕەسەنەکان بپارێزن و بڵاوی بکەنەوە، هەروەها جەخت لەسەر "سەربەخۆیی عێراق و ئازادیی خەرجکردنی پارەکەی کە لە بەرژەوەندی عێراقیەکان بێت دەکاتەوە. 

چوارچێوەی هەماهەنگی جەختیش لەوە دەکاتەوە کە پێویستە ناوەند مامەڵە لەگەڵ هەموو بڕیار و پەیوەندییە نێودەوڵەتییەکان بکات لەگەڵ عێراق.