بانكی ناوەندی ڕەتیدەكاتەوە بەشێك لە بانكەكان و كۆمپانیاكانی پارەدانی ئەلیكترۆنی بێبەش بكات لە بەشداریكردن لە پلاتفۆرمی گواستنەوەی دەرەكی

نوسینگەی ڕاگەیاندنی بانكی ناوەندی لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: ئەو هەواڵانە رەتدەكەنەوە كە باسیان لە بێبەشكردنی كۆمەڵێك بانك و كۆمپانیا مۆڵەتپێدراوەكانی پارەدانی ئەلیكترۆنی دەكرد لە بەشداریكردن لە پلاتفۆرمی گواستنەوەی دەرەكی.

ئاماژەی بەوەشكرد: بانكی ناوەندی ئەو دەنگۆیانە ڕەتدەكاتەوە كە باس لە ڕێگریكردن یان وەستاندنی كارتی پارەدانی ئەلیكترۆنی دەكەن كە لەلایەن بانكە ئەهلییەكان یان كۆمپانیاكانی پارەدانی ئەلیكترۆنیەوە دەركراون.

هەر بەپێی بەیاننامەكە، بانكی نێودەوڵەتی تەئكیدیكردەوە: كە ئەم هەواڵانە دوورن لە ڕاستییەوە، و ئامانجی سەرەكیان دەستكاریكردنی نرخی ئاڵوگۆڕكردنە لەلایەن گەمژەكانەوە بە دراوی بیانی.

رونیشیكردەوە: بانكی ناوەندی مافی یاسایی خۆی دەپارێزێت بۆ گرتنەبەری رێوشوێنی پێویست دژی ئەو هەواڵە ساختانە لە هەموو میدیاكاندا، و داواشی كرد كە پێویستە چادێری ماڵپەڕی فەرمی ئەم بانكە (www.cbi.iq) بكرێت و ئەو هەواڵە پشتڕاستكراوانەی كە بڵاویدەكاتەوە كە ئەم تۆمەتانە پووچەڵ دەكەنەوە.