سەرۆک وەزیران گەرایەوە بەغدا

ئەمڕۆ شەممە"محەممەد شیاع سودانی" سەرۆک وەزیران، دوای کۆتاییهێنان بە سەردانەکەی بۆ پارێزگاری نەینەوا،گەڕایەوە بۆ بەغدای پایتەخت.

نوسینگەی راگەیاندنی سەرۆک وەزیرانی، لە ڕاگەیەندراوێکدا کە بۆ ئاژانسی هەواڵی عێراقی (INA) ناردوویەتی ، تیایدا هاتووە "محەممەد شیاع سودانی" سەرۆک وەزیران دوای کۆتاییهێنان بە سەردانەکەی بۆ پارێزگاری نەینەوا، کە بۆ ماوەی دوو ڕۆژی خایاند، گەڕایەوە بۆ بەغدای پایتەخت ، 

لەسەردانەکەیدا سەرۆک وەزیران بەدواداچونی لەسەر چەندین پرسی گرینگ کرد لەبارەی دۆسیەی ئەمنی و خزمەتگوزاری ، هەروەک بەردی بناغەی چەند پرۆژەیەک و چەندین چالاکی ئەنجامدا کە گرینگترینیان:- 

 ♦️ ئەنجامدانی ژامارەیەک كۆبوونه‌وه‌ له‌گه‌ڵ به‌رپرسانی ئیداری پارێزگا و به‌ڕێوبه‌رانی فه‌رمانگه‌كانی خزمه‌تگوزاری و به‌رپرسانی ئه‌منی. 

♦️ ئەنجامدانی كۆبوونه‌وه‌ له‌گه‌ڵ پەرلەمانتارانی پارێزگای نه‌ینەوا له‌ئه‌نجوومه‌نی نوێنه‌ران له‌سەرخەم پێكهاته‌كانی شارەکە. 

♦️ ئه‌نجامدانی چاوپێكه‌وتن له‌گه‌ڵ پیاوانی ئایینی له‌پێكهاته‌ جیاوازه‌كان و سه‌رۆك هۆزه‌كان و چالاكوانان و نوێنه‌ری یه‌كێتی و سه‌ندیكاكان له‌پارێزگاكه‌. 

♦️ سه‌ردانی به‌نداوی مووسڵ و ئاگاداربوون له‌چۆنیەتی بەرێوەچونی كاره‌كان و پێدان و پاڵپشتی‌ به‌رده‌وام بۆ به‌نداوه‌كه‌. 

♦️ سه‌ردانی پرۆژه‌ی نۆژەنکرانەوەی فرۆكه‌خانه‌ی نێوده‌وڵه‌تی مووسڵ. 

♦️ كردنه‌وه‌ی نه‌خۆشخانه‌ی حه‌دبای تایبه‌ت به‌ نه‌خۆشیه‌كانی خوێن و چاندنی مێشک. 

♦️ دانانی به‌ردی بناغه‌ی هەردوو پرۆژه‌ی نه‌خۆشخانه‌ی ئیبن سینای فێركاری و پرۆژه‌ی هوتێل مووسڵ. 

♦️ كردنه‌وه‌ی پردی شه‌هیدان له‌ناحیه‌ی حه‌مام عه‌لیل و پردی سێرییانی سویس له‌لایی چه‌پی مووسڵ. 

♦️ سه‌ردانی مزگه‌وتی پێغه‌مبه‌ر یونس سڵاوی خوای لێبێت و مزگه‌وتی نووری گه‌وره‌ له‌مووسڵ و ئاگاداربوون له‌سه‌ر كاره‌كانی ئاوه‌دانكردنه‌وه‌ و ئاماده‌كردنیان. 

♦️ پێشوازیكردن له‌میری ئێزدیان له‌عێراق و جیهان و بابا شێخ ، شێخی ئایینی ئێزدی. 

♦️ سه‌ردانی قه‌زایی حه‌مدانیه‌ له‌پارێزگای نه‌یناوا. 

♦️ سه‌ردانی كه‌نیسه‌ی مار شه‌مونی سریانی ئه‌رسۆدێكس له‌ناحیه‌ی به‌رتڵه‌ و بینینی ‌پیاوانی ئایینی و كه‌سایه‌تیەکان له‌پێكهاته‌ی مه‌سیحی. 

 ♦️سه‌ردانی كه‌نیسه‌ی تاهیره‌ی گه‌وره‌ له‌ناحیه‌ به‌غدیدا له‌ده‌شتی نه‌ینەوا.

♦️بینینی نوێنه‌رانی پێكهاته‌ی شه‌به‌ك و كه‌سایه‌تی و هاووڵاتیان و گوێگرتن له‌پێشنیار و كێشه‌كانیان و به‌دواداچوون بۆ پرسەکانیان. 

♦️گەران بەنێو ‌ ‌یه‌كێك له‌پاركه‌كانی مووسڵ و چاوپێكه‌وتنی له‌گه‌ڵ هاووڵاتیان کە لەوێ بوون. 

♦️ سه‌ردانی دیوه‌خانی په‌رله‌مانتار عه‌بدوله‌رحیم شه‌مه‌ری. 

♦️ سه‌ردانی دیوه‌خانی په‌رله‌مانتار ئه‌حمه‌د جبوری له‌گوندی سه‌فینه‌ له‌ناحیه‌ی شۆره‌ له‌باشووری مووسڵ.