حەلبوسی بەبۆنەی جەژنی مامۆستایانەوە پیرۆزباییان لێدەكات و جەخت لە پێویستیی پشتگیری کەرتی پەروەردە دەکاتەوە

حەلبوسی لە تویتێکدا لە تۆڕی كۆمەڵایەتی تویتەر كە ئاژانسی هەواڵی عێراقی بەدواداچونی بۆ كردوە، رایگەیاند: بە شانازییەوە یادی ڕۆژی مامۆستا و پەروەردەی نەوەکان دەکەینەوە و بەم بۆنەیەوە پیرۆزبایی لە مامۆستاکانمان دەکەین.

جەختیشیکردەوە: پێویستە پشتگیری لە کەرتی پەروەردە بکرێت و کار بۆ بەرزکردنەوەی کارامەیی ئەو دامەزراوەیە بکرێت کە ئەرکی دروستكردنی داهاتوە.