پەرلەمان متمانە دەداتە وەزیرانی ئاوەدانكردنەوە و ژینگە

بەغداد - INA
ئەنجومەنی نوێنەران ئەمرۆ شەمم، بە زۆرینەی رەها متمانەی بەخشیە كاندیدەكانی وەزارەتەكانی ژینگەو ئاوەدانكردنەوە و نیشتەجێكردن و شارەوانییەكان.
فەرمانگەی ڕاگەیاندنی ئەنجومەنی نوێنەران لەبەیاننامەیەكدا كەدەست ئاژانسی هەواڵی عێراقی كەوتووە، دەڵێت: ئەنجومەنی نوێنەران متمانەی دا بە نزار محەمەد سەعید وەك وەزیری ژینگە بە زۆرینەی ڕەهای دەنگی پەرلەمانتاران.
هەروەها لە بەیاننامەكەدا هاتووە: ئەنجومەنی نوێنەران بە زۆرینەی ڕەها دەنگی دا بە پەنگین عەبدوڵا ڕیكانی وەزیری ئاوەدانكردنەوە و نیشتەجێبون و شارەوانییەكان.
ئەمڕۆ شەممە، ئەنجومەنی نوێنەران، 15یەمین خولی پێنجەمی هەڵبژاردن و یەكەم ساڵی یاسادانان و دووەم خولی یاسادانان بە سەرۆكایەتی محەمەد حەلبوسی، سەرۆكی ئەنجومەنی نوێنەران بەڕێوەچوو و 208 ئەندام ئامادەبوون.