بەبەڵگەنامە..دەستەی گەشتیاری كۆمپانیایەكی گەشتیاری دادەخات بەهۆی پابەندنەبوون بە ڕێنماییەكانەوە

بەغدا -  INA
ئەمڕۆ شەممە دەستەی گەشتوگوزاری عێراقی سەر بە وەزارەتی ڕۆشنبیری بڕیاریدا كۆمپانیایەكی گەشتیاری دابخات بەهۆی پابەندنەبوون بەو ڕێنماییانەی كە لە ڕاگرتنی مامەڵەكردن لەگەڵ كۆمپانیاكانی گەشتیاری و گەشتیاری میسریدا هاتووە.
بەڵگەنامەیەك كە لەلایەن دەستەكەوە بۆ كۆمپانیایەكی گەشتیاری دەرچووە كە بۆ ئاژانسی هەواڵی عێراقی (INA) ناردووە و تێیدا هاتووە : كە بەپێی بڕگەكانی مادەی (17) كە بە یاسای دەستەی گەشتیاری ژمارە 14ی ساڵی 1996 هەموار كراوە،  بەهۆی پابەندنەبوونتانەوە لەگەڵ نامەكەمان بە ژمارە 10026 لە 28/8/2022، كە بریتییە لە وەستاندنی مامەڵەكردن لەگەڵ كۆمپانیاكانی گەشتیاری و گەشتیاری میسری و بۆ دووبارەكردنەوەی ئەو سەرپێچییەی سەرەوەتان بڕیاردرا:
بارەگای سەرەكی كۆمپانیاكەتان بۆ ماوەی (30) ڕۆژ لە بەرواری نوسراوەكەی سەرەوەمانەوە دابخە، لە ئەگەری پابەندنەبوونت بەوانەی سەرەوە، ئێمە ڕێكارە یاساییەكانی دژی كۆمپانیاكە تەواو دەكەین.