نێچیرڤان بارزانی جه‌ژنا چلێ هاڤینی ل ته‌قایا ئێزدیا پیرۆز دكه‌ت
سیاسی
- 2-08-2022, 11:50
هه‌ولێرـ INA
دپه‌يامه‌كێدا نێچيرڤان بارزانى، سه‌رۆكێ هه‌رێما كوردستانێ، جه‌ژنا (چلێ هاڤينێ) ل خوشك و برايێن ئێزدى پيرۆز كر.
دداخۆیانیه‌كا نڤیسنگه‌ها راگه‌هاندنا سه‌رۆكێ هه‌رێما كوردستانێ دا كو كۆپیه‌ك بۆ ئاژانسا په‌یامێن عێراقێ (INA) شاندیه هاتیه"
جه‌ژنا چلێ هاڤينێ ل هه‌مى خوشك و برايێن مه يێن ئێزدى ل كوردستانێ و ل هه‌ر ده‌را دنيايێ بن، بتايبه‌تى ژى يێن كو هێشتا د كه‌مپاندا ئاوارنه ب گه‌رمى پيرۆز دكه‌م. هيڤيدارم جه‌ژن، ئارامى و خێر و خۆشيێ دگه‌ل خۆ بينيت.
هه‌روه‌ها دبه‌شه‌كا دنا په‌یاما سه‌رۆكێ هه‌رێما كوردستانێ دا هاتیه" د هه‌مى جه‌ژن و بيرهاتناندا ئه‌م خوشك و برايێن خۆ يێن ئێزدى يێن كو بوونه قوربانى ده‌ستێ تيرۆرێ، ببير تينين، سه‌رێ خۆ لبه‌ر گيانێ وا دچه‌مينين، مالباتێن ڕه‌ڤاندييان پشتڕاست دكه‌ين كو هه‌رتم دێ له‌سه‌ر هه‌ولێن خۆ به‌رده‌وام بين ژبۆ ڤه‌ديتن و ڤه‌گه‌ڕان و ئه‌شكه‌ره‌كرنا چاره‌نڤيسێ ڕه‌ڤانديان.
هيڤييا جه‌ژنه‌كا ته‌نا و ئارام بۆ هه‌مى ئێزدييان دخوازم، هه‌ر سال ب خێر و خۆشى.
