عێراق 50 تیرۆریستی داعش لە هێزەكانی سوریای دیموكرات وەردەگرێت

ئەمنی

1-06-2022, 15:34

بەغداد - INA
شانەی راگەیاندنی ئەمنی ئەمڕۆ چوارشەممە ڕایگەیاند: هێزەكانی سوریای دیموكرات 50 تیرۆیستی داعشیان ڕادەست كردووە.
شانەی راگەیاندنی ئەمنی لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: لە ڕێگەی لێكتێگەیشتن و ڕێككەوتنە هاوبەشەكانەوە و بە ئامانجی بەرەنگاربوونەوەی تیرۆریستانی داعش لە ئاستی هەرێمایەتی و نێودەوڵەتی، هێزەكانی سوریای دیموكرات لە ڕێگەی دەروازەی سنووری ڕەبیعە 50 چەتەی رێكخراوی تیرۆریستی داعشیان رادەستی فەرماندەیی ئۆپەراسیۆنە هاوبەشەكان كرد.
ئاشكراشیكرد: ئەم تیرۆریستانە ڕادەستی دەزگای هەواڵگری و لێكۆڵینەوەی فیدراڵی وەزارەتی ناوخۆ كراون بە مەبەستی لێكۆڵینەوە و گرتنەبەری ڕێوشوێنی یاسایی پێویست لە دژیان.
تەئكیدیشیكردەوە: كە فەرماندەیی ئۆپەراسیۆنە هاوبەشەكان بەردەوامە لە هاوكاری و هەماهەنگی لەگەڵ هەمووان بۆ تێكشكاندنی تیرۆریستان و وشككردنەوەی سەرچاوەكانی پارەدانیان بۆ لەناوبردنی ئەو تاوانبارانە، دوژمنانی هەموو مرۆڤایەتین.