ئێف 16ی عێراقی مەفرەزەیەكی داعش لە دیالە دەكاتە ئامانج

بەغداد – INA


شانەی راگەیاندنی ئەمنی ئەمڕۆ یەكشەممە، رایگەیاند: فرۆكە ئێف (16)ەكانی عێراق 3 هێرشیان كردوەتە سەر مەفرەزەیەكی چەتەكانی داعش لە دیالە. 
شانەی راگەیاندنی ئەمنی لە بەیاننامەیەكدا كە دەست ئاژانسی هەواڵی عێراقی (INA) كەوتووە، دەڵێت: بەسەرپەرشتی فەرماندەی ئۆپراسیۆنە هاوبەشەكان و بەپێی زانیارییە هەواڵگرییەكان لەلایەن دەزگای ئاسایشی نیشتمانی، فرۆكە ئێف (16)ەكانی عێراق 3 هێرشی ئاسمانیان كردە سەر مەفرەزەیەكی چەتەكانی داعشی تیرۆریست لە ناوچەی نارین.
ئاماژەی بۆ ئەوەشكرد: هێزەكانی سوپای عێراق لە چوارچێوەی فەرماندەی ئۆپراسیۆنەكانی دیالە دەستیانكردووە بە پشكنینی ناوچەكەو دواتریش وردەكاری زیاتر رادەگەیەنین.