بەغداد؛ 17 داواكراو كە یەكێكیان تیرۆریستە دەستگیركران
ئەمنی
- 4-03-2022, 14:43
بەغداد ـ INA
فەرماندەیی ئۆپەراسیۆنەکانی بەغداد رایگەیاند: 17 داواكراوی دادگا كە یەكێكیان تیرۆریستە دەستگیركران.
فەرماندەیی ئۆپەراسیۆنەکانی بەغداد ئەمڕۆ هەینی لە بەیاننامەیەكدا کە دەست ئاژانسی هەواڵی عێراقی (INA)كەوتوە، رایگەیاند: هێزە ئەمنیەكان لە ناوچەی كەڕادە توانیان گومانلێکراوێک دەستگیر بکەن كە بەپێی مادەی چواری تیرۆر داواكراوە.
وتیشی: لە بەشی رەسافە چوار تۆمەتباری تر بەپێی ماددە یاساییە جۆراوجۆرەکان دەستگیركراون.
ئاشكراشیكردوە: لە نزیک نەخۆشخانەی زەهرا لە ناوچەی حەبیبە فیرقە 11ی پیادە توانی شەش تۆمەتبار دەستگیر بکات بەپێی ماددە یاساییە جۆراوجۆرەکان، لەگەڵ دەستبەسەرداگرتنی ژمارەیەک چەک و کەلوپەلی بێ مۆڵەت لە رۆژهەڵاتی بەغداد.
فەرماندەیی ئۆپەراسیۆنەکانی بەغداد راشیگەیاند: لەبەری كەرخ فیرقە 2 پۆلیسی فیدراڵی توانی شەش گومانلێکراو دەستگیر بکات و دەست بەسەر ژمارەیەك چەكدا بگرێت.
وتیشی: تۆمەتباران و ماددە دەستبەسەرکراوەکان ڕاپێچی لایەنە پەیوەندیدارەكان کراون بۆ وەرگرتنی سزاکەیان بەپێی یاسای دادپەروەرانە.
