کۆمیسیۆنی بابل رایگەیاند ئەنجامی ژماردن و جیاکردنەوەی دەستی و ژماردنی ئەلکترۆنی هاوتایە

به‌غدا-اه‌ع   
نوسینگەی کۆمسیۆنی هەڵبژاردنەکان لە بابل ،ئەمڕۆ پێنجشەممە ڕایگەیاند کە ئەنجامەکانی ژماردن و جیاکردنەوەی دەستی لەگەڵ ئەلکترۆنییەکە هاوتا بووە، ئەمەش دەریدەخات کە ڕێژەی هاوتایی گەیشتووەتە 100٪.
خزەیر عامری بەرێوەبەری نوسینگەی کۆمسیۆنی بابل لە ڕاگەیەندراوێکدا کە دەستی ئاژانسی هەواڵی عێراقی (اەع) کەتووە رایگەیاند:"لە کاتژمێرەکانی سەرەتای بەیانییەوە کۆمسیۆنی هەڵبژاردنەکان دەستیکردووە بە ژماردن و جیاکردنەوەی 170 وێستگەی هەڵبژاردن، کە بەپێی ڕێکارە تەکنیکییەکان ڕەچاوکراون و بەڵگە لەلایەن ئەنجومەنی کۆمسیارانەوە دابین کراوە و پێشنیار کراوە"، وتیشی"کردنەوەی وێستگەکان لە هۆڵی شەرەف لە بینای سەربازە نەناسراوەکان و لە ڕێگەی کادرەوە بۆ ئەم مەبەستە و بە ئامادەبوونی و چاودێریی نێردەی نەتەوە یەکگرتووەکان و ژمارەیەک لە چاودێرانی نێودەوڵەتی و ناوخۆیی و بە ڕووماڵکردنی میدیا جۆراوجۆرەکان".
ئاماژەی بەوەکرد"ڕێژەی هاوتایی گەیشتووەتە 100٪ بۆ هەموو وێستگەکان و هیچ جیاوازییەک نییە لە ئەنجامە سەرەتاییەکان کەراگەیەنرا"،و وتیشی "ڕاپۆرتێکی فەرمی وەک ئەو ئەنجامانە تۆمار دەکرێت و ڕادەستی دەستەی کۆمسیاران دەکرێت بۆ ئەوەی بڕیاری گونجاو بدەن".