عێراق په‌یامێك ئاڕاسته‌ى ئه‌نجومه‌نى ئاسایش ده‌كات بۆ پشتیوانیكردنى ئه‌نجامدانى هه‌ڵبژاردنه‌كان
سیاسی
- 5-05-2021, 10:41
به‌غدا-اه‌ع
فوئاد حوسێن وەزیری دەرەوە، وسۆفی ویلمێس وەزیری دەرەوەی بەلجیکا،ئه‌مڕۆ چوارشه‌ممه پتەوترکردنی پەیوەندییەکانی نێوان ھەردوو وڵاتیان تاوتوێ کرد.
نوسێنگه‌ى ڕاگه‌یاندنى وەزارەتی دەرەوە لە راگەیەنراوێکداكه‌ده‌ستى ئاژانسى هه‌واڵى عێراقى(اه‌ع)كه‌وتووه ئاماژەی بەوەداوە کە فوئاد حوسێن و سۆفی ویلمێس پەیوەندییەکی تەلەفۆنییان ئەنجامداوە و لە میانیدا پتەوترکردنی پەیوەندییە دووقۆڵییەکانی نێوان عێراق و بەلجیکا-یان تاوتوێکردووە.
بەپێی راگەیەنراوەکە فوئاد حوسێن سوپاسی پاڵپشتییەکانی حکوومەتی بەلجیکای بۆ عێراق لە شەڕی دژبە داعش کردووە و داوایکردووە کە گرنگە پاڵپشتییەکان بەردەوامبن تا ئەو کاتەی بە یەکجاری بیری توندئاژۆیی ریشەکێش دەکرێت.
باس لەوەشکراوە کە وەزیری دەرەوە، جەختیکردووەتە لەسەر گرنگی یەکخستنی ھەوڵە نێودەوڵەتییەکان بە ئامانجی دۆزینەوەی چارەسەرێکی سیاسی بۆ قەیرانی سووریا و رایگەیاندووە کە ئاسایشی و سەقامگیری سووریا، راستەوخۆ کاریگەریی لەسەر ئاسایش و سەقامگیری عێراق ھەیە، ھەروەھا داواشی کردووە کە رەوشی مرۆیی خێزانەکانی نیشتەجێی کەمپی ھۆل لە سووریا چارەسەر بکرێت و رێگەیش بە رێکخراوی تیرۆریستیی داعش نەدرێت، بیری توندئاژۆیی لەناو کەمپی ئاوارەکان بڵاوبکاتەوە.
لە راگەیەنراوەکەدا ئەوەیش خراوەتەڕوو کە فوئاد حوسێن ئاشکرایکردووە کە عێراق داوای لە ئەنجوومەنی ئاسایشی نێودەوڵەتیی کردووە پاڵپشتی لە ھەڵبژاردنی داھاتووی ئەنجوومەنی نوێنەرانی عێراق بکات و ژمارەیەک چاودێر بۆ چاودێریکردنی پرۆسەکە رەوانەی عێراق بکات.
ئاماژە بەوەیشدراوە کە سۆفی ویلمێس وەزیری دەرەوەی بەلجیکا، لە میانی پەیوەندییە تەلەفۆنییەکەدا رایگەیاندووە، وڵاتەکەی پاڵپشتیی لە عێراق دەکات لە شەڕی دژبە تیرۆر ووتی:"حکوومەتی بەلجیکا بڕیاری ناردنی نێردەیەکی نوێی بۆ عێراق داوە، ئەوەیش بە ئامانجی دیاریکردنی چارەنووسی خێزان و مندالانی داعش".
بەپێی راگەیەنراوەکە سۆفی ویلمێس بانگھێشتنامەیەکی ئاراستەی فوئاد حوسێن کردووە بۆ ئەوەی لە داھاتوویەکی نزیکدا، سەردانی بەلجیکا بکات.
هەواڵی پەیوەندیدار
په‌رله‌مانتاران باس له داهاتووى هاوپه‌یمانى سیاسی ده‌كه‌ن له دواى هه‌ڵبژاردن
- سیاسی / بەدواداچوون و ڕاپۆرت
- 10:33
