بایدن:كۆمه‌ڵكوژی ئه‌رمه‌نه‌كان له‌سه‌رده‌مى ئیمپڕاتۆریه‌تی عوسمانی"جینۆسایدكردنه"
سیاسی
- 24-04-2021, 19:05
اه‌ع-به‌دواداچوون
جۆ بایدن سه‌رۆكی ویلایه‌ته یه‌كگرتوه‌كانی ئه‌مریكا،ئه‌مڕۆ شه‌ممه،كۆمه‌ڵكوژی ئه‌رمه‌نه‌كانی به‌فه‌رمی به‌جینۆساید ناساند كه له‌لایه‌ن ئیمپڕاتۆریه‌تی عوسمانیه‌وه ئه‌نجامدراوه.
جۆ بایدن له‌راگه‌یه‌ندراوێكیشدا رایگه‌یاند، ڕۆحى هەموو ئەوانەمان لەبیر دەبێت كە لەو كۆمەڵكوژیە لە سەردەمى عوسمانییەكان ژیانیان لەدەستدا و پابەندى خۆمان بۆ ڕێگەگرتن لە دوبارە بوونەوەى ئەو تاوانانە دوپات دەكەینەوە".
ئه‌مڕۆ 106 ساڵ به‌سه‌ر "جینۆسایدی" ئه‌رمه‌نه‌كان له‌لایه‌ن ده‌وڵه‌تی عوسمانییه‌وه تێپه‌ڕده‌بێت، ئه‌و تاوانه له ساڵی 1915 تاوه‌كو 1923 ئه‌نجامدرا و تێیدا 1.500.000 (یه‌ك ملیۆن و پێنجسه‌د هه‌زار) هاوڵاتی ئه‌رمه‌نی تێدا كوژران.
