پێنج بومەلەرزە ڕۆژهەڵاتی سلێمانییان هەژاند

به‌غدا-اه‌ع   
دەستەی کەشناسی و بومەلەرزەزانی عێراق ڕایگەیاند، بەرەبەیانی ئەمڕۆ یەکشەممە پێنج بوومەلەرزەی یەک بە دوای یەک لە قەزای پێنجوینی سەربە پارێزگای سلێمانی ڕووی داوە.  
لە ڕاگەیەنراوێکدا دەستەکە كه‌ده‌ستى ئاژانسى هه‌واڵى عێراقى(اه‌ع)كه‌وتووه‌ ڕایگەیاندووە، کاتژمێر 4:30 خولەکی بەرەبەیانی ئەمڕۆ یەکشەممە بومەلەرزەیەک لە قەزای پێنجوێنی سەربە پارێزگای سلێمانی ڕوویداوە کە هەستیان پێکراوە."  
ئاماژەی بەوەشکردووە، "لەدوای ئەوە چوار بومەلەرزەی دیکەش ڕوویداوە کە سەرجەمیان بەگوڕی زیاتر لە 3 پلە بە پێوەری ڕێختەر بوون" .  
بەگوێرەی ڕاگەیەنراوەکە ، کات و گوڕی بومەلەرزەکان بەمشێوەیە بوون:  کاتژمێر 4:35:52 خولەک، بە گوڕیی 3.4 پلە، کاتژمێر 4:46:27 خولەک، بە گوڕیی 3.8 پلە  ،کاتژمێر 4:48:16 خولەک، بە گوڕیی 3.6 پلە  ، کاتژمێر 4:48:35 خولەک، بە گوڕیی 3.0 پلە  ،کاتژمێر 5:22:36 خولەک، بە گوڕیی 3.7 پلە.