كازمى په‌یوه‌ندییه‌كى ته‌له‌فۆنى به‌سه‌رۆكى میسر كرد
سیاسی
- 26-03-2021, 21:46
به‌غدا-اه‌ع
مسته‌فا كازمى سه‌رۆكى ئه‌نجومه‌نى وه‌زیران،ئه‌مڕۆ هه‌ینى،په‌یوه‌ندییه‌كى ته‌له‌فۆنى له‌گه‌ڵ عه‌بدولفه‌تاح سیسى سه‌رۆك كۆمارى میسرى عه‌ره‌بى ئه‌نجامدا بۆ ده‌ڕبڕینى هاوخه‌مى به‌و ڕووداوه‌ى له‌شارى سوهاج ڕوویدا.
نوسینگه‌ى ڕاگه‌یاندنى سه‌رۆك وه‌زیران له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،بڵاویكرده‌وه"كازمى له‌میان په‌یوه‌ندییه ته‌له‌فۆنییه‌كه هاوسۆزى وهاوخه‌مى خۆى بۆ سه‌رۆك سیسى وگه‌لى میسرى برا ده‌ڕبڕى،له‌ئاكامى ئه‌و ڕووداوه‌ى ژماره‌یه‌ك هاوڵاتى بوونه قوربانی،داوایشى له‌خواى گه‌وره كرد دڵنه‌وایی بداته كه‌سوكارى قوربانیان،ورووحى قوربانیانیش شاد بكات وله‌ناخى دڵه‌وه داواكارین له‌خواى گه‌وره برینداره‌كان به‌زووترین كات چاكببنه‌وه".
