وه‌زاره‌تى ته‌ندروستى:دوو تاقیگه‌ى نوێ بۆ ڤایرۆسه نوێیه‌كه‌ی كۆرۆنا ده‌كاته‌وه
ناوخۆ
- 13-01-2021, 00:00
به‌غدا-اه‌ع
وه‌زاره‌تی ته‌ندروستی و ژینگه،ئه‌مرشۆ چوارشه‌ممه، رایگه‌یاند، له‌چه‌ند رۆژی داهاتودا دوو تاقیگه‌ی تایبه‌ت بۆ ناسینه‌وه‌ی ڤایرۆسه نوێیه‌كه‌ی كۆرۆنا ته‌رخانده‌كه‌ن، له‌رێگه‌ی ئه‌و تاقیگانه‌وه گۆڕانكاریه بۆماوه‌یی و جیناته‌كان ده‌ناسرێنه‌وه.
سه‌یف به‌در وته‌بێژی وه‌زاره‌تی ته‌ندروستی بۆ ئاژانسى هه‌واڵى عێراقى(اه‌ع) رایگه‌یاند:" له ماوه‌ی چه‌ند ڕۆژێكدا به‌شێوه‌یه‌كی سه‌ره‌تایی دو تاقیگه‌ی ته‌ندروستی ده‌كه‌نه‌وه، كه سه‌ر به تاقیگه‌ی ته‌ندروستی فیدراڵی ده‌بن و له‌چوارچێوه‌ی تاقیگه‌كانی فێركاری سه‌ر به فه‌رمانگه‌ی ته‌ندروستی شاری پزیشكی له به‌غدا ده‌بن، به‌مه‌به‌ستی ناسینه‌وه‌ی گۆڕانكاریه بۆماوه‌یی و جیناته‌كانی ڤایرۆسی نوێی كۆرۆنا ئه‌وه‌ش به‌هه‌ماهه‌نگی له‌گه‌ڵ رێكخراوی ته‌ندروستی جیهانی ده‌بێت".
ئاماژه‌ى به‌وه‌شكرد"به مۆدێرنكردنی تاقیگه‌كان له به‌غدا و پارێزگاكان په‌یڕه‌و ده‌كرێت، بۆ دۆزینه‌وه‌ی ڤایرۆسه نوێیه‌كه‌ی كۆرۆنا، له‌رێگه‌ی تاقیگه‌كانه‌وه ده‌توانرێت گۆڕانكاریه‌كانی بۆماوه‌یی و جیناته‌كان بناسرێنه‌وه".
به‌در وتیشى " پرۆتۆكۆلی چاره‌سه‌ریی بۆ كۆرۆنا و ڤایرۆسه گۆڕاوه‌كه‌ش یه‌ك چاره‌سه‌ره، به‌ڵام تاكه هه‌نگاو بۆ به‌رگریگرتن له بڵاوبونه‌وه‌ی هه‌ردو جۆره‌كه ته‌نها خۆپارێزیه،هه‌روه‌ها تاوه‌كو ئێستا ڤایرۆسه نوێه‌كه له عێراقدا تۆمار نه‌كراوه ".
