سەرچاوەکانی ئاو:لە ئایندەیەکی نزیکدا گفتوگۆکانیان لەگەڵ تورکیا لەبارەی ئاوی هەردوو رووباری دیجلە و فورات دەستپێدەکەن
ناوخۆ
- 4-08-2020, 00:00
به‌غدا-اه‌ع
وەزارەتی سەرچاوەکانی ئاو، رایگەیاند لە ئایندەیەکی نزیکدا گفتوگۆکانیان لەگەڵ تورکیا لەبارەی ئاوی هەردوو رووباری دیجلە و فورات دەستپێدەکەن.
عەونی زیاب وتەبێژی وەزارەتی سەرچاوەکانی ئاو له‌لێدوانێكى بۆ ئاژانسى هه‌واڵى عێراقى(اه‌ع)ڕایگه‌یاند: "مستەفا کازمی سەرۆک وەزیران، مەهدی رەشید حەمدانی وەزیری سەرچاوەکانی ئاو، راسپاردووە بەمەبەستی گفتوگۆ و دانوستان لەگەڵ تورکیا لەبارەی پشکی ئاو لەهەردوو رووباری دیجلە و فورات".
عەونی زیاب جەختی لەوە کردەوە کە عێراق پێویستی زۆری بە ئاو هەیە، و نەگەیەشتن بە رێکەوتن زیانێکی زۆر بەدوای خۆیدا دەهێنێت.
زیاب ئاماژەی بەوەشکرد کە هەردوولا لەبارەی ئەم پرسەوە لە چەند رۆژی داهاتوودا لەرێگەی ڤیدیۆ کۆنفرانسەوە گفتوگۆکانیان دەستپێدەکەن.
