واشنتۆن به‌ڵێن به‌كازمى ده‌دات مۆڵه‌تى 120ڕۆژ به‌عێراق بدات بۆ هاورده‌كردنى غازى ئێران
- 7-05-2020, 00:00
چاودێرى-اه‌ع
ئەمەریكا پێشوازی لە پێكھێنانی كابینەی نوێی حكوومەتی عێراق دەكات و 120 رۆژی دیكەشی وەك مۆڵەت دایە عێراق بۆ مامەڵەكردن لەگەڵ ئێران.
وەزارەتی دەرەوەی ئەمەریكا لە راگەیاندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه، ئاماژەی بۆ ئەوەکردووە، مایك پۆمپێیۆ وەزیری دەرەوەی ئەمەریكا و مستەفا كازمی سەرۆك وەزیرانی نوێی عێراق، پەیوەندییەكی تەلەفۆنییان ئەنجامداوە، لە پەیوەندییە تەلەفۆنییەكەدا ئەمەریكا پێشوازی لە پێكھێنانی كابینەی نوێی حكوومەتی عێراق كردووە و پاڵپشتیشی بۆ كازمی دووپاتكردووەتەوە.
باسی لەوەشکردوە، وەك پێدانی دەرفەتێك بۆ سەركەوتنی كابینەكە، ئەمەریكا 120 رۆژی دیكەی مۆڵەت بەخشیوەتە حكومەتی عێراق، بۆ مامەڵەكردن لەگەڵ ئێران و ھاوردەكردنی كارەبا و گازی سرووشتی لەو وڵاتە، ئەوەش دوای ئەوەی هەفتەی ڕابردوو ئەو وڵاتە ڕایگەیاند بۆ جاری کۆتایی مانگێکی دیکە مۆڵەتی مامەڵەکردنی عێراق و ئێرانیان درێژ کردۆتەوە.
می ئۆڵۆمپی عێراق دەگاتەوە فڕۆکەخانەی بەغدا
- وەرزش
- 10:11
