سەرۆكی ئەنجومەنی نوێنەران پێشوازی لە راوێژكاری سەرۆك كۆماری كۆریای باشور بۆ كاروباری دەرەوە دەكات

محەمەد حەلبوسی سەرۆكی ئەنجومەنی نوێنەران، ئەمرۆ دووشەممە، پێشوازی كرد لە بەرێز هان بیونگ راوێژكاری سەرۆك كۆماری كۆریای باشور بۆ كاروباری دەرەوە، و شاندی یاوەری لە سەرۆكی كوتلەكانی پەرلەمان لە حەزبی دەسەڵات و ئۆپۆزسیۆن و باڵیۆزی كۆریای باشور لە عێراق.

لەمیانی دیدارێكدا بەرێز سەرۆكی ئەنجومەنی نوێنەران تاوتوێی پەیوەندییەكانی نێوان هەردوو وڵاتی كرد و جەختی كردەوە لەسەر گرنگی پتەوكردنی لە بوارەكانی ئابوری و داواشی لە كۆمپانیاكانی كۆریا كرد وەبەرهێنان لە عێراق فراوان بكەن و بەشداربن لەپرۆسەی بنیاتنان و بوژانەوە لەشارە ڕزگاركراوەكان.

بەرێزیان ئاماژەی بەوەش كرد كە عێراقی ئەمرۆ بەهێزترە لە پێشوو دوای سەركەوتنی بەسەر تیرۆردا، ئێستاش وادەی بنیاتنانی پەیوەندی و هاوبەشی ئابورییە لە نێوان هەردوو وڵات و بەكارهێنانی ئەو پەیوەندییە بۆ بەدیهێنانی بەرژەوەندی هاوبەشی هەردوو گەل.

بەرێزیان جەختیشی كردەوە كە سیاسەتی ئەنجومەنی نوێنەرانی عێراق بریتیە لە هەوڵدان و هاندانی حكومەتی عێراق بۆ گەشەپێدانی پەیوەندی دیبلۆماتی و پتەوكردنی هاوبەشی لەگەڵ كۆماری كۆریای باشور و وڵاتانی كیشوەری ئاسیا بەشێوەیەكی گشتی، بەرێزیان سوپاسی سەرۆكی ئەنجومەنی نیشتمانی كرد لەبەرامبەر پەرۆشی بۆ گەشەپێدانی پەیوەندی پەرلەمانی لەگەڵ عێراق كە بە گیانی ئیجابییەوە كاردەكات بۆ فراوانكردنی و بانگهێشتەكەشی بۆ سەردانی سیئۆل بەرز نرخاند، و بانگهێشتیشی كرد سەردانی بەغداد بكات.

لای خۆیەوە راوێژكاری سەرۆكی كۆریای باشور رایگەیاند عێراق سەقامگیری بەدیهێناو بەسەر بەربەستەكاندا سەركەوت، جەختیشی كردەوە لەسەر پتەوكردنی هاریكاری حكومی و پەرلەمانی، سەرۆكی كوتلەكانی دەسەڵات و ئۆپۆزسیۆنیش لە ئەنجومەنی نیشتمانی كۆریا خواستی خۆیان نیشاندا بۆ پتەوكردنی هاریكاری پەرلەمانی لەگەڵ عێراق و بەشداربوون لە پرۆسەی بنیاتنان و بوژانەوە لەسەرجەم بوارەكان، لە دیدارەكەشدا سەرۆكی فەرمانگەی ئاسیا و ئوسترالیا لە وەزارەتی دەرەوە ئامادەی بوو.