عەبدولمەهدی: دەتوانین چارەسەری سەرجەم كێشەكان بكەین و ئایندەیەكی گەش بنیات بنێین

بەغداد – ا ه ع

عادل عەبدولمەهدی سەرۆك وەزیران تەئكیدی كردەوە عێراقیەكان دەتوانن چارەسەری سەرجەم كێشەكان بكەن و ئایندەیەكی گەش بنیات بنێن، ئێمەش گەشبینین بۆ بەدەستهێنانی ئەو دەستكەوتانە.

نوسینگەی ڕاگەیاندنی سەرۆك وەزیران لە بەیاننامەیەكدا كە وێنەیەكی دەست ئاژانسی هەواڵی عێراق (ا ه ع) كەوتووە ڕایگەیاند:  عادل عەبدولمەهدی لە میانی ئامادەبوونی لە كۆربەندی داهێنەرانی عێراق داوای كرد دەبێت مامانەمان بە خۆمان و تواناو لێهاتویی عێراقیەكان بێت و پشت بە دۆزینەوەی رێگەچارەی دەرەكی نەبەستین و سەرجەم بەربەست و ئەو یاسایانە لاببرێن كە رێگرن لەبەردەم پێشكەوتنەكان.