لە ماوەی 6 مانگدا.. وەزارەتی ناوخۆ ئاماری ژمارەی ئاگركەوتنەوەكان و ئۆپەراسیۆنەكانی فریاگوزاری و پشكنینەكان ئاشكرا دەكات

بەغدا - INA
ئەمڕۆ یەكشەممە وەزارەتی ناوخۆ ئامارەكانی لەسەر ژمارەی ئاگركەوتنەوە و ئۆپەراسیۆنەكانی فریاكەوتن و پشكنین لە ماوەی 6 مانگدا ئاشكرا كرد، هاوكات بەڕێوەبەرایەتی بەرگری شارستانی دووپاتیكردەوە كە زیادەڕەوی لە ڕێژەی ئاگركەوتنەوەكان لە عێراق و ڕووداوەكانی تێدا هەیە كەمترن لە وڵاتانی دراوسێ.
عەمید میقداد موسەوی وتەبێژی وەزارەت لە كۆنگرەیەكی ڕۆژنامەوانیدا كە ئاژانسی هەواڵی عێراقی (INA) ئامادەی بوو ڕایگەیاند: ژمارەی ئاگركەوتنەوەكان تا ناوەڕاستی ئەمساڵ 5544 ئاگركەوتنەوە بووە، كە كەمترە لە هەمان ماوەی ساڵی ڕابردوو، وەك رێژە كەمبوونەوەی  44% ی تۆماركرد، بەو پێیەی ژمارەی ئاگركەوتنەوەكان گەیشتە هەمان ماوەی ساڵی ڕابردوو، نزیكەی 10,019 ڕووداو ڕوویداوە.
ئاماژەی بەوەشكرد : تیمەكانی وەزارەتی ناوخۆ بە نوێنەرایەتی بەڕێوەبەرایەتی بەرگری شارستانی سێ هەزار و 915 مەشقیان ئەنجامداوە و 165 ئۆپەراسیۆنی ڕزگاركردنی ئاگركوژێنەوەیان ئەنجامداوە، كارەكانیش لەسەر ئاستی تەحەددا بەردەوامە، ئاماژەی بەوەشكرد ئەم هەوڵانە لە ئەنجامدا پاشەكەوتكردنی لێكەوتەوە و  بڕە پارەیەك كە دەگاتە هەشتا و پێنج ملیار و نۆ سەد ملیۆن و پێنج سەد هەزار دیناری عێراقی.
لە درێژەی قسەكانیدا وتی : تیمەكانی بەرگری شارستانیش 10679 ئۆپەراسیۆنی پشكنینیان ئەنجامداوە و 1221 سكاڵایان لەسەر سەرپێچیكاران تۆماركردووە، لەو ژمارەیەش 515 داوای یاسایی چووەتە دادگای تاوانەكان.
هەروەها وتی : زۆرجار ئاگركەوتنەوە پێنج هۆكاری هەیە، لەوانە ئەوانەی كە بەهۆی كەسێكی چالاكەوە ڕوودەدەن یان لە ئەنجامی كەمتەرخەمی، جێبەجێنەكردنی ڕێكارەكانی سەلامەتی، دەستكاریكردنی منداڵان و قونكی جگەرە.
ئاماژەی بەوەشكردووە : ژمارەی پشكنینەكانی پشتڕاستكردنەوەی بارودۆخی سەلامەتی لەسەر پڕۆژەكان گەیشتووەتە 72 هەزار و 144 پڕۆژە، و 162 پڕۆژەیان لە سەرتاسەری پارێزگاكان داخراون.
لە بەرامبەردا، بەڕێوەبەری بەرگری شارستانی، لیوا موحسین كازم، لە میانی كۆنفرانسەكەدا پشتڕاستی كردەوە كە ڕەزامەندیمان بەدەستهێنا بۆ داخستنی سەرجەم ئەو پڕۆژانەی كە مەرجەكانی سەلامەتی پێشێل دەكەن، كە دەكاتە 257پڕۆژە، لەو ژمارەیەش 162 پڕۆژە داخراون”.
ئاماژەی بەوەشكرد : زیادەڕەوی لە ڕێژەی ئاگركەوتنەوەكاندا هەیە كە لە عێراق ڕوودەدات، وە دۆخی ئێمە لە عێراق باشترە لە زۆرێك لە وڵاتانی دراوسێ، وەك سعودیە بۆ نموونە لە ڕووی ژمارەی ئاگركەوتنەوەكانەوە.