سەرۆک کۆمار داوای پەلەکردن بۆ هەڵبژاردنی سەرۆکی نوێی پەرلەمان دەکات

بەغداد-INA
ئەمڕۆ یەکشەممە"لە تیف جەمال ڕەشید"سەرۆک کۆمار،داوای لە هێزە سیاسییەکان و کوتلە پەرلەمانییەکان کرد، سەرۆکی نوێی ئەنجوومەنی نوێنەران هەڵبژێرن.
سەرۆک کۆمار لە میانەی ئاهەنگێکی فەرمیدا بە بۆنەی سەدەمین ساڵیادی دامەزراندنی  پەرلەمانەوە،کە ئاژانسی هەواڵی عێراقی (INA) بەدواداچوونی بۆ کردوە ووتی:- عێراق لە پێشەنگی ئەو وڵاتانەدایە کە دەستوورێکی هەیە،لە ڕووی پرەنسیپ  و ماف و ئازادییەکانەوە پێشکەوتووترین و دیموکراسیترینە.
سەرۆک کۆمار ووتیشی : عێراق سەردەمی ڕژێمی تۆتالیتاری کۆتایی پێهێنا،دوای ئەوەی گەل لەزیاتر لە ڕاپەڕینێکدا زوڵمی دیکتاتۆری ڕەتکردەوە،کە ڕووبەڕووی سەرکوت و قڕکردن بووەوە تا خاکی عێراق پڕ بوو لە تەرمی شەهیدان، کە لە ئەنجامدا سیستەمێکی دیموکراسی لە دەستووری ساڵی 2005دا  بەرجەستە بووە.
سەرۆک کۆمار جەختیشی لەوەکردەوە:-کە پێویستە وەک سەرکردە سیاسییەکان و بڕیاردەرەکان،دروستکردنی ئەو دامەزراوانە تەواو بکەین کە لە دەستووردا هاتووە، دیارترینیان ئەنجوومەنی فیدراڵی، بۆ ئەوەی ئەزموونە دیموکراسییەکەمان سەرکەوتوو بێت،هەروەک داوای لە هێزە سیاسییەکان و ئەنجومەنی نوێنەران دەکەم  پەلەبکەن لە خێراکردن بۆ  هەڵبژاردنی سەرۆکی نوێی ئەنجومەنی نوێنەران، بۆ تەواوکردنی یاساکان  و دەرکردنی ئەو  یاسایانەی کە خزمەتی میللەت و هاوڵاتی دەکات.