سه‌رۆك نێچيرڤان بارزانى پێشوازى له باڵيۆزى نوێى قه‌ته‌ر كرد
سیاسی
- 27-02-2024, 12:55
هه‌ولێرـINA
نێچیرڤان بارزانی سه‌رۆكی هه‌رێمی كوردستان پێشوازی له‌سوڵتان بن موباره‌ك ئه‌لكوبه‌یسی باڵیۆزی نوێی قه‌ته‌ر له‌عێراق كرد.
نووسینگه‌ی راگه‌یاندنی سه‌رۆكی هه‌رێمی كوردستان له‌راگه‌یه‌ندراوێكدا كه‌بۆ ئاژانسی هه‌واڵی عێراقی ناردووه، راگه‌یاندووه، پێشينوه‌ڕۆى ئه‌مڕۆ سێشه‌ممه، نێچيرڤان بارزانى، سه‌رۆكى هه‌رێمى كوردستان، له ديدارێكدا له‌گه‌ڵ به‌ڕێز سوڵتان بن موباره‌ك ئه‌لكوبه‌يسى، باڵيۆزى نوێى قه‌ته‌ر له عێراق، وێڕاى پيرۆزبايى بۆ ده‌ستبه‌كاربوون و هيواى سه‌ركه‌وتن له ئه‌ركه‌كانيدا، خۆشحاڵيى خۆى به ئاستى په‌يوه‌ندييه‌كانى قه‌ته‌ر له‌گه‌ڵ عێراق و هه‌رێمى كوردستان ده‌ربڕى و دووپاتى كرده‌وه كه ده‌رفه‌تى باش بۆ بره‌ودان به په‌يوه‌ندييه‌كان و فراوانكردنى هاريكاريى هاوبه‌شى نێوانيان هه‌ن.
لاى خۆيه‌وه به‌ڕێز باڵيۆزى نوێى قه‌ته‌ر، خۆشحاڵيى خۆى به ده‌ستبه‌كاربوونى وه‌ك باڵيۆزى وڵاته‌كه‌ى له عێراق نيشاندا، هه‌روه‌ها جه‌ختى له‌وه كرده‌وه كه هه‌موو ده‌رگاكانى قه‌ته‌ر به ڕووى عێراق و هه‌رێمى كوردستاندا كراوه‌ن. له‌مباره‌يه‌وه ئاماژه‌ى به‌وه كرد كه قه‌ته‌ر خوازياره له بواره‌كانى وه‌به‌رهێنان، ئابوورى، كولتوورى و چه‌ندين بوارى ديكه‌دا بره‌و به په‌يوه‌ندييه‌كانى له‌گه‌ڵ عێراق و هه‌رێمى كوردستان بدات.
پێشبینییەكانی كەش و هەوا بۆ چوار ڕۆژی داهاتوو
- ناوخۆ
- 11:31
