دەستەی گشتی گومرگی عێراقی :- بەهۆی ڕێوشوێنە توندەکان لەساڵی 2023 داهاتی گومرگ بەڕێژەی 28٪زیادی کردوە

بەغداد-INA
ئەمڕۆ یەکشەممە ،دەستەی گشتی گومرگی ڕایگەیاند:- کە داهاتی بە بەراورد بە ساڵی 2022 بە ڕێژەی 28% زیادیکردووە.
دەستەکە لە ڕاگەیەندراوێکدا کە بۆ  ئاژانسی هەواڵی عێراقی (INA) ناردوویەتی، تیایدا هاتوە:- داهاتی زیادەی دەستەکە لە ساڵی 2023 بڕی (1,033,765,697,521) دینار بووە، بە بەراورد بە ساڵی 2022، ڕێژەی زیادبوونی (28%) زیادی کردوە ، هەروەک سنوور ناوەندەکانی گومرگی زۆرترین ڕێژەی زیادبوونیان هەبووە.
ئاماژەی بەوەشکردوە:- رێژەی بەرزبوونەوەی بەدەست هاتوو لە ناوەندی گومرگی زورباتیە  (208%) بووە، هەروەها ڕێژەی زیادبوونی بەدەست هاتوو لە ناوەندی گومرگی مونزوریە (170%) بووە، لەکاتێکدا ڕێژەی زیادبوون بەدەست هاتووە لە ناوەندی گومرگی مەندەلی (147%) .
سەبارەت بە ناوەندی گومرگیش،بەرزترین ئاستی سنووری لەڕووی داهاتەوە گومرگی گۆڕەپانی ترحیبی گەورەیە کە بەبڕی داهاتی (302,198,276,000) دیناری عێراقی بوە ، کە بەڕێژەی لەسەدا 75 زیادیکردووە.
دەسەڵاتەکە  لە درێژەی ڕاگەیەندراوەکەدا ئەوەشی خستۆتەروو:- کە داهاتەکانی لە ئەنجامی ئەو ڕسوماتانەیە کە بەپێی یاسا و ڕێنماییەکانی کارپێکراو دیاریکراون و دەستەکە هیوای وایە کە  زۆرترین داهاتی لە ماوەی ساڵی 2024دا  بەدەستبهێنێت دوای تەواوکردن و جێبەجێکردنی سیستەمی ئەلیکترۆنی لە سەرجەم ناوەندە گومرگییەکان.