دكتۆر محه‌مه‌د شوكری: له‌ماوه‌ی كابینه‌ی نۆیه‌مدا ( 330 ) پرۆژه‌ی وه‌به‌رهێنان له‌هه‌رێمی كوردستان مۆڵه‌تی كاركردنیان پێدراوه‌

هه‌ولێرـ INAـ عوسمان باشقالی

دكتۆر محه‌مه‌د شوكری محه‌مه‌د سه‌عید سه‌رۆكی ده‌سته‌ی وه‌به‌رهێنان له‌هه‌رێمی كوردستان راگه‌یاند" له‌سه‌ر ده‌می كابینه‌ی نۆیه‌می حكومه‌تی هه‌رێمی كوردستان، 330 پرۆژه‌ی وه‌به‌رهێنان‌ له‌هه‌رێمی كوردستان مۆڵه‌تیان وه‌رگرتووه‌ و جێبه‌جێ كراون.

سه‌رۆكی ده‌سته‌ی وه‌به‌رهێنان به‌ئاژانسی هه‌واڵی عێراقی ( INA) راگه‌یاند" له28/7/2019 تا 30/11/2023 ‌به‌سه‌رمایه‌ ( 15،067،918،591) دۆلار وله‌سه‌ر رووبه‌ری (16،093) دۆنم، ( 330 ) پرۆژه‌ی وه‌به‌رهێنان له‌سه‌رانسه‌ری هه‌رێمی كوردستان مۆڵه‌تیان وه‌رگرتووه‌ وجێبه‌جێ كراون و جێبه‌جێ ده‌كرێن.  

هه‌روه‌ها وتی: له‌ماوه‌ی 11 مانگی ئه‌م ساڵدا له‌هه‌ولێر مۆڵه‌ت به‌ 37 پرۆژه‌ به‌سه‌رمایه‌ی (732، 856، 657،1) دۆلار و له‌سه‌ر رووبه‌ری ( 5، 544، 1) دۆنم به‌سیكته‌ری سه‌رمایه‌ له‌ % 51. 78 دراوه‌، له‌ شاری سلێمانیش 13 پرۆژه‌ به‌ سه‌رمایه‌ ( 700، 203، 351) دۆلار له‌سه‌ر رووبه‌ری (5. 270) دۆنم وبه‌سیكته‌ری سه‌رمایه‌ له‌سه‌دا % 63.16 مۆڵه‌ت پێدراوه‌. له‌شاری دهۆكیش 14 پرۆژه‌ی وه‌به‌رهێنان به‌سه‌رمایه‌ (153، 900، 48) دۆلار وله‌سه‌ر رووبه‌ری (1. 145) دۆنم و به‌سیكته‌ری سه‌رمایه‌ % 32. 2 مۆڵه‌ت پێدراوه‌. 

سه‌رۆكی ده‌سته‌ی وه‌به‌رهێنان ئاماژه‌ به‌وه‌شی كرد كه‌مۆڵه‌تی پرۆژه‌كانی وه‌به‌رهێنان ته‌نها له‌شاره‌ گه‌وره‌كان نه‌بووه‌، له‌زۆربه‌ی قه‌زا و ئیداره‌ وناوچه‌كانی دیكه‌ی هه‌رێمی كوردستان ژماره‌یه‌كی به‌رچاو له‌پرۆژه‌كانی وه‌به‌رهێنان له‌لایه‌ن ده‌سته‌ی وه‌به‌رهێناوه‌‌ مۆڵه‌ت پێدراوه‌، بۆ نموونه‌ هه‌ر ئه‌م ساڵ له‌ماوه‌ی 11 مانگدا، له‌ناوچه‌ی گه‌رمیان 7 پرۆژه‌ به‌سه‌رمایه‌ ( 160، 318، 19) دۆلار له‌سه‌ر رووبه‌ری ( 0. 63) دۆنم وبه‌سیكته‌ری سه‌رمایه‌ % 91.0 مۆڵه‌ت پێدراوه‌. هه‌روه‌ها له‌شاری زاخۆ 4 پرۆژه‌ و له‌ناوچه‌ی راپه‌رین 2 پرۆژه‌ و له‌سۆران 2 پرۆژه‌ و له‌هه‌ڵه‌بچه‌ یه‌ك پرۆژه‌ مۆڵه‌ت پێدراوه‌، كۆی گشتی هه‌موو پرۆژه‌كانی وه‌به‌رهێنان له‌سه‌رانسه‌ری هه‌رێمی كوردستان له‌ماوه‌ی یانزده‌ مانگی ئه‌م ساڵ له‌1/1/2023 تا 30/11/2023 (80) پرۆژه‌ بووه‌. 

سه‌رۆكی ده‌سته‌ی وه‌به‌رهێنان سه‌باره‌ت به‌كۆی پرۆژه‌كانی وه‌به‌رهێنان له‌ماوه‌ی چوار ساڵی رابڕدوو راگه‌یاند" له‌م ماوه‌یه‌دا ده‌سته‌ی وه‌به‌رهێنان مۆڵه‌تی به‌ (330) پرۆژه‌ی داوه‌ و ئه‌م پرۆژانه‌ به‌سه‌ر هه‌ر سێ پارێزگای هه‌رێمی كوردستان و ئیداره‌ وناوچه‌كانی دیكه‌ی دابه‌شكراون، له‌هه‌ولێر 146 پرۆژه‌ و له‌سلێمانی 80 پرۆژه‌ و له‌دهۆك 59 پرۆژه‌ و له‌ناوچه‌ی گه‌رمیان 18 پرۆژه‌ وله‌زاخۆ 12 پرۆژه‌ له‌سۆران 5 پرۆژه‌ وله‌هه‌ڵه‌بچه‌ش 3 پرۆژه‌. سه‌رمایه‌ی ئه‌م پرۆژانه‌ هه‌موو ده‌كاته‌ ( 15،067،918،591) دۆلار وله‌سه‌ر رووبه‌ری (16،093) دۆنم به‌سیكته‌ری سه‌رمایه‌ (%100).