ئەحمەد سەحاف: عێراق هەڵوێست و پرەنسیپی خۆی لەبارەی پەیوەستبوون بە بڕیارنامەی وەستاندنی شەڕی دژی غەززە پشتڕاستکردۆتەوە

بەغداد/INA
ئەحمەد ئەلسەحاف وتەبێژی وەزارەتی دەرەوەی عێراق دووپاتی کردەوە کە عێراق  لەبارەی پەیوەست بوون بە بڕیاری وەستاندنی شەڕی غەززە هەڵوێست و پرەنسیپی خۆی پشتڕاست کردۆتەوە.
"سەحاف"  بە ئاژانسی هەواڵی عێراقی (INA)ی ڕاگەیاند:- عێراق هەڵوێست و پرەنسیپی خۆی  لەبارەی پەیوەستبوون بە بڕیارنامەی وەستاندنی شەڕی دژی غەززە پشتڕاستکردۆتەوە ، کە لە دانیشتنی شەوی ڕابردوو ئەنجومەنی گشتی نەتەوە یەکگرتووەکان پەسەندیکرد. 
ئاماژەی بەوەشدا :- کە ئێمە ڕەخنە و تێبینی خۆمان لەبارەی هەندێک لەو وشانە خستۆتەروو کە  لە بڕیارنامەکەدا هاتووە، کە دژایەتی یاسا نیشتمانییەکانمان دەکەن، لەوانەش بژاردەی چارەسەری دوو دەوڵەتی و یەکسان  لە نێوان هاوڵاتیانی مەدەنی فەلەستینی و ئیسرائیلی.
 روونیشی کردەوە :- کە عێراق هەڵوێستی پرەنسیپی و پتەوی خۆی سەبارەت بە پرسی فەلەستین و مافی گەلەکەی بۆ دامەزراندنی دەوڵەتی فەڵەستینی نەگۆڕە کە پایتەختەکەی قودسی پیرۆزبێت.
ناوبراو لە درێژەی قسەکانیدا وتی: دەنگی ئێمە لەگەڵ بڕیاری ڕاگرتنی شەڕی دژی غەززەیە لە چوارچێوەی دیدگایەکی نەتەوەیی عێراقدا.